已經第三日啦，阿四仍未出世．．．
（若然你冇睇到之前發生既野，可以睇返呢篇既：回歸寶寶 - 我家的新租客）
睇佢地咁款，攤晒係度，仲以為佢地已經埋咗單添．．．．
知唔知我點分佢地既大細吖拿？
丁咁大隻，點分呀？睇下佢地ｄ毛既生長情況就知架啦．
可惜我生得矮啦，實在唔夠高去偷睇佢地．我初初睇相，仲以為阿四都出埋世啦，但爸爸話下面幅相最右面既，係蘿pad黎咋．
天氣咁熱，佢地都係守著"夏日炎炎正好眠"既大道理，好少郁動．
三隻雀B，好有默契咁，互相依偎著睡大覺．
偶爾聽到爸爸既聲音，其實都唔知佢地係咪聽到既？定感覺到有震動，先會郁少少架咋．
單單係呢隻，就成日張開口．
好似發開口夢咁．．．．跟住又訓返．．．
你地睇佢吖．．．．夢遊一樣呀！
咩事呀你？扮大佬呀？投訴呀？
好！就拎你出黎拍下寫真啦．．．．你地睇佢個肚dum！肚腩咁大，係坐唔到架．．．
個身同一蚊咁上下大，已經開始長毛啦，你地見唔見到佢有鬚根feel呀？
呢．．．翼仔側邊果一排黑色點點呢．
爸爸趁住天色仲係好光，人地阿媽又未返，就走去老笠一隻出黎，影完相就即刻放返入去．如果天黑就唔可以攪佢地架啦，事關夜晚，雀媽媽要回巢孵住佢地先得喎．
點解呢？
爸爸：雀媽媽唔遮住佢地？冇話唔得既，就好似ｄ細路訓覺冇蓋被一樣，至多第二朝冷傷風，流鼻水咯．．．
沒有留言:
張貼留言