2011年10月31日 星期一
2011年10月28日 星期五
Happy 70th Birthday to John!
唔經唔覺，我阿仔都咁大個仔咯．．．．．
回想返廿幾年前，佢仲係如假包換既鮑魚刷（佢ｄ鬍鬚呀），今日已經變成絲瓜絡咯！
做咗你阿四十幾年，好多謝你對我既信任同愛護，希望我可以一路同你拍住上，成為公司入面既最佳拍檔啦．
祝你年年有今，日歲歲有今宵，係酒會度先同你飲杯啦！
蛋糕我早就做好架啦
再預備兩粒特製字母
放上去併下先，都ＯＫ啦，咁就貼咯喎．
靚晒，等佢乾透先．
再上光油，搞掂！
呢個係五磅庄蛋糕黎，咁實物就梗會靚過相片既，希望佢睇得清清楚楚啦！
P.S. 今日都係大黃生同我隔離位既Candy姐姐既生日黎，順便係度祝埋你地兩位生日快樂啊！
回想返廿幾年前，佢仲係如假包換既鮑魚刷（佢ｄ鬍鬚呀），今日已經變成絲瓜絡咯！
做咗你阿四十幾年，好多謝你對我既信任同愛護，希望我可以一路同你拍住上，成為公司入面既最佳拍檔啦．
祝你年年有今，日歲歲有今宵，係酒會度先同你飲杯啦！
蛋糕我早就做好架啦
再預備兩粒特製字母
放上去併下先，都ＯＫ啦，咁就貼咯喎．
靚晒，等佢乾透先．
再上光油，搞掂！
呢個係五磅庄蛋糕黎，咁實物就梗會靚過相片既，希望佢睇得清清楚楚啦！
P.S. 今日都係大黃生同我隔離位既Candy姐姐既生日黎，順便係度祝埋你地兩位生日快樂啊！
2011年10月27日 星期四
2011年10月26日 星期三
做口金可能遇到的問題
我明明寫好咗呢篇野架，點解唔見咗架？
唯有再寫過啦，如果再次唔見咗，我就放棄架啦．
我做第一個口金最大既蝦碌，就係反身反得唔好，搞到入面一舊舊．所以都要提下大家啦．
拿，當大家將面布同裡布合體之後，就要開始反身啦．
記住將兩隻角屈埋疊起，咁就冇咁易走位架啦．(hehe....我冇係轉角位剪開呀，原來
反好咗面布之後，就係咁啦．依家變成裡布係出面咯喎．
跟住由裡布既缺口度伸手指入去，將面布兩隻角疊埋．
再慢慢退出裡布
直到面布同裡布都成功反身為止
縫好裡布既缺口，就可以企企理理啦．
上埋口金框，就大功告成啦
我有幾可唔蝦碌架？今次買既呢個口金框竟然係雙數窿窿架，即係冇中間點啦．好彩我及早發現先冇出事咋．
等我仲懶醒，配埋玫瑰金既口金框喎．
不過呢塊裡布就真係幾靚下，清清淡淡咁既．
經我一輪努力下，佢終於都內外在美都兼備啦！
唯有再寫過啦，如果再次唔見咗，我就放棄架啦．
我做第一個口金最大既蝦碌，就係反身反得唔好，搞到入面一舊舊．所以都要提下大家啦．
拿，當大家將面布同裡布合體之後，就要開始反身啦．
記住將兩隻角屈埋疊起，咁就冇咁易走位架啦．(hehe....我冇係轉角位剪開呀，原來
反好咗面布之後，就係咁啦．依家變成裡布係出面咯喎．
跟住由裡布既缺口度伸手指入去，將面布兩隻角疊埋．
再慢慢退出裡布
直到面布同裡布都成功反身為止
縫好裡布既缺口，就可以企企理理啦．
上埋口金框，就大功告成啦
我有幾可唔蝦碌架？今次買既呢個口金框竟然係雙數窿窿架，即係冇中間點啦．好彩我及早發現先冇出事咋．
等我仲懶醒，配埋玫瑰金既口金框喎．
不過呢塊裡布就真係幾靚下，清清淡淡咁既．
經我一輪努力下，佢終於都內外在美都兼備啦！
2011年10月25日 星期二
靚湯速遞
買咗團購$30一套六張買一送一優惠券，即刻試下叫d外賣湯返黎飲。
因為一次要同時用兩張優惠券人地先送貨，我就同隔離位share，一人要兩盒湯啦。
今次我地訂咗巴戟肉蓯蓉黑豆紅棘大魚頭湯（功效溫暖腰膝，袪風活血，益精補血喎），早上十點幾送到，即刻開一包黎試。個袋好易撕開，熱辣辣，味道相當好，而且一滴油都冇。
$50一包既湯，用咗團購優惠券，除開即係$110四盒600毫升既湯，一包倒足兩大碗，即係差唔多$14一碗靚湯，值！
攤凍後放入雪櫃冷藏，可以擺到十幾日既．每日有四款湯可以揀，咁第日我買定黎留返Bibi拎返宿舍飲都得喎。
而且呢個發泡膠保溫盒，仲可以用黎攜帶其他冷藏食物，都幾方便好用。
我呢，梗係第一時間就試飲啦，睇下，真係冇油架，湯面只係反射到我杯邊既水蒸氣凝成既水點．咋一聲俾我飲咗半杯．
夜晚返去，煲滾咗另一包，倒係八安士既飯碗度，水位去到剩返半厘米就到頂，果然夠份量呀．
個團購仲未完架，仲有兩日時間，大家有興趣就可以試下．
2011年10月24日 星期一
口金
原來口金包都唔難做架，呢個，係我第一個製成品，因為ｄ布比較硬，縫得比較困難．
有咗經驗之後，以我既懶人性格，實偷工減料都得啦！
呢一篇並不是口金教學，點可以搵一個只係做過一個口金咁大把既人去教你地呢？
孟子話：人之患，在好為人師．千其咪識少少，扮代表呀！
但係為咗方便我ｄ同事參考我既懶人大法，先係度為佢地介紹下．見到佢地做得咁高興，我都好開心唧．呢ｄ就叫分享既喜悅啦，獨樂樂，不若與眾樂樂呀！
首先，多謝ｄ姊妹醒我紙樣：
跟住呢，有紙口果張分別裁出兩塊面布同兩塊裡布，合共四片，冇紙口果塊紙樣就用黎裁出兩片單面膠棉.
裡布面對面疊好
用回針步(back stitch)將下面既U型位縫好，睇清楚ｄ喎，底部中間位冇縫到架，我留咗成寸幾冇縫到既（若然你地用既布比較挺身，或者塊棉較厚，咁個缺口就要留大段ｄ啦），呢個缺口留返最後反身用既．
冇經驗既小朋友，乖乖地畫條線跟住紙口位去縫啦，May姨就有幾十年渣針經驗，紙口位早在心中架啦．記住喎，唔夠醒既話就用條線係咁意碼實兩塊布，等佢唔易走位．（可參考下面縫面布時的相片）
OK，仲係有小朋友唔明白呀？好，示範下：
即係放果塊冇紙口既紙樣上裡布既布底上面，用筆畫返條線咯．記住呀，我只畫咗一塊裡布架咋！
跟住照樣縫埋佢，預留缺口．
好啦，講返我果塊啦：
沿角位剪幾下，咪剪得太貼喎，咁反起黎就會順ｄ架啦．
反身先！
然後呢．．．呢個步驟就相當重要啦，事關我第一次做果陣衰過黎架！
睇清楚塊棉，邊一面有膠點既，就將佢貼住面布既反面黎用喎．
咁點將塊棉粘實面布呢？
將冇膠點果面掂住熨衫板，放面布上去，記住有膠點果面係掂住面布既底喎．
用個比較暖既熨斗係面布上輕輕熨下（小心ｄ咪走位喎，要keep住塊膠棉係中間），塊棉就會粘實架啦．如果仲未粘實，就加熱少少添啦．重覆整晒兩份喎．
跟住就面對面咁疊埋
我咁懶，你唔駛慌我會畫線係上面喎！我亦唔喜歡用大頭針，容乜易吉吉架？
但有樣野係唔少得既，就係用線以走針(running stitch)將兩組面布略為縫合，咁到你正式縫果陣就唔會咁易走位啦．
但有樣野係唔少得既，就係用線以走針(running stitch)將兩組面布略為縫合，咁到你正式縫果陣就唔會咁易走位啦．
用回針步(back stitch)將下面既U型位縫好
一樣沿住圓角轉彎位剪幾下
再同佢纖體
將裡布好似著襪咁套入去面布呢個袋袋入面，記住呀，係right side facing right side呀．
用線以走針法(running stitch)氹氹框將口金既開口位能住．記住呀，唔係四塊布釘埋一齊呀，係面布同裡布釘埋咋．
貼住塊棉條邊用回針縫好
再拎走條黑線，想貼服ｄ既，就一樣係彎位剪幾下，因為呢條邊會藏係口金框入面，唔駛見人既，所以條邊修唔修幼都影響唔大既，除非你ｄ布好厚既唧．
拿，裡布果個缺口就係用黎反身架啦，反身之後，裡布既正面就係銀包仔袋錢既位啦．咁個窿點？最後先縫埋佢都唔遲既．
而面布呢，反身之後就係咁既，咁就差唔多成型架啦：
先要搵返頂部既中間位喎，用筆點一下啦，我咁懶呢，就用眼記住算啦，不過你都可以用大頭針吉住去記位既．
打雙線，將末端轉角位當成線尾，將線由裡布果一邊穿出去面布果一頭（貼士：條線最好就夠長，一口氣可以縫晒一邊既口金框）
做乜咁整？我唔喜歡成日打結既，我係舊式人，係唔慣見到打結同線頭位既．所以呢，就咁樣縫法，只要枝針再返轉頭果陣，穿過呢個末端既圈仔，索實就可以開始縫啦．
即係咁啦，係咪好方便呢？呢個辦法冇人教我既，我自己覺得咁幾好咪咁做咯．不過，我唔排除可能早就有人用緊架啦，天下懶人多吖麻．
再將針穿返出面布
數下個口金框邊點係中間位喎，再穿過口金框既最正中既窿仔．（如果布厚，有ｄ人會用個錐仔推ｄ布入去口金框度先縫既，但我呢ｄ布咁薄，朗朗下既，又點駛咁做吖．）
用走針縫到尾
再由尾縫返轉頭
去到中間位就繼續縫埋另外一半既窿仔，又係去到尾再返轉頭，去返中間．
完成一次都未夠實淨架，要重覆做多一次，咁個口金就釘得夠實啦．
如是者，做埋另一邊既金屬框．
記住呀，就算冇人見到，都應該盡量縫得企理ｄ，就算個底唔駛見人，都盡量keep住ｄ針部平均呀．等我俾呀口金妹妹既私隱你地睇下啦：
如果你地唔係刻意咁裝入去睇既話，底線係應該唔多覺眼既．
唔好唔記得你入面層裡布仲有個缺口喎，用挑針(hemming stitch) 既方法縫埋個口啦．記住喎，人地正統係用藏針法既，只係我自己興咁縫唧．
點解要安排呢個時候先做？點解唔早ｄ係上口金框之前做？其實兩個階段做都得架，隨得你地啦．
套返好塊裡布入去，個口金就大功告成啦！
係咪兩面都咁省鏡呢？
我係知咁多架咋．
訂閱：
文章 (Atom)