2012聖誕禮

今年又大豐收啦! 無啦啦有個客送咗兩部ipad黎俾阿仔同另一同事。咁啱佢上年聖誕飯局，已經抽到一部，佢話多一部都冇用，要我考慮要咗佢。人地都冇應承，佢已經拎咗黎我個位講Merry Christmas啦，咁點好意思架?

好啦，我就將同一個客送俾我既禮物送俾佢，就當同佢交換，等佢可以送俾阿媽，當係trade咗啦。



多謝Eunice送我新產品，一個May字口金呢!



呢個蛇年日曆，都好實用。



轉個頭收到呢封感謝狀，都算係聖誕禮物啦!

去華府抽返黎既金莎。

仲又食又拎既賞賜



用咗48隻蛋焗出黎既千層糕，我分到四分一底，切開卅幾份俾大家分享。小吃多滋味呀!

朋友借D意入餅店買俾我既曲奇，大家出黎食飯咪算咯，搞咩鬼唧？

教會既鬼佬朋友親手焗製既Carrot Cake，阿仔話我知，鬼佬之前問過佢，話前年送蘭花，舊年送Mrs. Fields，今年想送D特別D既野俾我，點好喎? 我阿仔話: 我阿媽係非一般既阿媽黎，所以佢就泡製咗呢個大蛋糕醒我啦。據聞，佢做既呢款蛋糕係出名好食既．

 

大家一睇，都驚好甜。有人話我要一小塊就夠啦，點知後來仲主動添食。



仲有呢套雪糕火煱，咁大陣象，要多D人先可以食到喎。

又收到兩盒貝殼朱古力，呢盒係最大既聖誕版。



由細食到大，我只叫佢做貝殼朱古力，冇留心佢係咩東東。



原來背後意義重大架，據講呢種朱古力係支持Project Seahorse，用於保育瀕危既海馬。想知多啲呢，可以去呢度睇睇: http://www.guylian.com/en/project-seahorse/about-project-seahorse/



如果唔係人地又送埋呢盒黎，我都唔知D海馬仔都有獨立包裝款式既，咁大家可以考慮下買佢黎放全盒啦。



同事送的好味曲奇



阿仔問我要咩? 我早就諗定要塊鉆板，佢一聽就話: 邊有人聖誕節要埋D咁騎哩野架? 只要係我想要既野就得啦，一於去買啦。買完佢叫我返去用花紙包好佢喎，我話唔駛啦，連袋都可以慳返。但佢話聖誕禮物唔包點得? 你唔包我包架，你俾花紙同膠紙我啦。咁好啦，費事佢又浪費包裝物料，我就用包酒果D雪梨紙包起佢啦。

聖誕樹古古力，聖誕節收古古力仲多過情人節

小妹妹送既鹿仔，可愛到極。

入面係三塊朱古力黎，我地一家三口，一人一塊，唔駛爭。



另一次食晏時，朋友送的．



唔拆都知，係Crabtree曲奇，今次係choco chips，好味喎！

 

仲有班青衣送我既潤手霜，Bibi話借黎睇下吖，跟住逐枝開黎聞下喎!

 

小麻雀送我既古古力，人地D字就梗係靚我好多啦。

隔離位知我師奶，醒我一包乾菌。

 

迪迪尼既古古力

 

小巧的吊飾，我掛咗係電腦度，日日對住．

手作卡也有

 

日本朋友的速遞，剛好24號收到

還有給Bibi的利是

這份禮物的包庄袋上既和風小免，很適合用來製印章呢!

另一小妹妹怕我收得太多糖果餅乾，所以連健康食品也有。

 

最睇得起我既師奶，送咗份大件事黎，我需要枝指路明燈，但要由ｂｂ班開始學起．

呢盒Shortbread包庄好正，入面係兩包，細細塊既，仲係兩款口味添．

有機古古力
 

 

 

琪兒做的蛋糕，我同Bibi當宵夜瓜分咗.

 

同事做既玻璃曲奇，我一啖都有機會食，就入晒Bibi既長頸樽啦，唔怪得我上咗床之後聽到外面有膠袋聲啦。

爸爸買既瑤柱，呢樣夠實際！真係好過買紮花。
 

 

估唔到過咗聖誕新年仲有禮物收:

仲有溫暖牌雪人餅餅同咕咕力

同埋保我全年無憂既杏蜜潤唇膏