冇講實的約定

上星期六，原本大家約埋去長沙灣廠區八下某開倉大減價既貨品既，但早上各路探子回報，人潮太多，貨品早就沽清，大家於是臨急改為去tea。

經我上網一輪搜尋，要就腳又唔太花費既，就去西九呢間新開既紅蔥頭啦。



原來下午既食物選擇相當多。

多選擇有多選擇既好處, 就係返轉頭幫襯都唔會咁悶.

我地其實係未食午餐既, 所以大家都係點咗午餐.

原來好似食車仔麵咁, 要自助落單既. 係餐廳要咁做, 我都係第一次咋.

上菜既次序係好奇怪既, 都唔知間野係咪新得滯, d侍應既待客方式認真麻麻, 廚房出菜亦配合唔到. 竟然一黎就係呢碟螺絲粉.

跟住上餐湯同蒜蓉包, 件包幾好食既, 脆脆地.

個湯都未飲完, 另一碟主菜又上啦.

飲品又係 bing ling bun 能上埋檯既, 個姐姐仔捧住d食物上檯, 好似好泯水咁, 所以我地都會快手同佢接住, 免生意外.

有兩位係我地食晒d野先黎, 佢叫咗個蛋包飯(加錢升級要埋湯同蒜蓉包)同西多士既下午茶餐. 個蛋包飯竟然係塊蛋好似cum被咁蓋係一堆白飯面, 真係唔留意佢食既樣子, 都唔會知佢係咁既! 而西多呢, 放塊牛油上去都唔會溶, 即係唔熱架啦! 食完碟飯, 收埋隻碟先發現冇起過湯俾佢喎! 咁就追返啦, 湯上檯啦, 但塊包就同我地之前食既樣子好唔同, 冇乜烘過咁樣既.

檯面仲有張野話叫你點埋甜品, 作為完美句號喎, 真係費事啦.