收養咗幾塊過期擦膠，係呀, 擦膠係會老化架，尤其佢唔係雕刻專用既。存放得唔好，就會受其他膠物件影響而融合變質，所以存放時最好放入紙盒，用紙墊住先放個印仔上去。我呢，就習慣收藏時，用紙巾包住D印仔既。
用刀試在角落月刻一刀，啜刀喎! 唔知塊擦膠仲可唔可以憑技術補救，咁就整個粗少少既印黎睇下啦。
我揀咗呢隻B. Duck:
貪佢可以佔晒塊長方形擦膠咁滯，最唔鍾意畫圖果部份，畫親呢D對稱公仔都會畫到歪晒既。我盡咗力架啦，唯有一路雕、一路修啦。不過就唔知呢塊膠俾唔俾我咁做啦。
用刀試在角落月刻一刀，啜刀喎! 唔知塊擦膠仲可唔可以憑技術補救，咁就整個粗少少既印黎睇下啦。
我揀咗呢隻B. Duck:
貪佢可以佔晒塊長方形擦膠咁滯，最唔鍾意畫圖果部份，畫親呢D對稱公仔都會畫到歪晒既。我盡咗力架啦，唯有一路雕、一路修啦。不過就唔知呢塊膠俾唔俾我咁做啦。
好明顯，佢唔單止啜刀，仲會跣刀添! 所以，落刀就要舉手不回，冇得marn咁滯。
將將就就整咗出黎，都經唔得架，個咀真係歪歪地，唉~~~
頭頂唔靚，右邊額角要修下。
修左少少，算靚咗架啦。
油下顏色先啦，貪懶，選白色、黃色同粉紅色。
都係懶之過，枝濕畫筆，髤完淺黃、髤深黃，冇洗筆就去髤粉紅色，混咗色添!
雖然白色果隻係第一稿，先天比較差。但係幾隻拍住上，又唔肉酸得過報紙廣告上既B. Duck喎，勉勉強強收貨啦。
仲有兩塊呢D擦膠，整咩好呢?
做得超靚.兩塊整鬆弛熊和Melody好唔好呀?我提議,可以唔用.
回覆刪除[欣欣媽媽回覆01/03/2013 09:34:37]兔,蝴蝶,得唔得呀?
[版主回覆01/03/2013 09:15:45]梗係唔好啦, 呢d膠可塑性唔高, 要做d易既野先得.
好靚呀～～比我弄的好得多！新年快樂！
回覆刪除[版主回覆01/03/2013 17:07:43]我大大話話都叫做整過幾百粒印仔吖, 吖做大專生架啦!
整叮噹丫，肥肥地嘛！
回覆刪除[版主回覆01/03/2013 20:24:06]整叮噹既難度係好高既，要用好優質既橡皮先唔枉費我一擔心機架。
化腐朽為神奇
回覆刪除[版主回覆01/04/2013 06:55:57]用得唔好晒。
整青蛙囉!!好易整之嘛~整..整..整
回覆刪除[版主回覆01/04/2013 06:55:27]唔，都好，但要搵隻甫士靚仔啲既。
很不錯啊!
回覆刪除[版主回覆01/06/2013 17:45:52]用得唔好晒, 整咗又係一個好印仔啦.
May姨點解近日做咁多印仔呀？
回覆刪除[版主回覆01/07/2013 17:58:23]唔算近日既, 有d係歷史悠久印仔黎, 只係未排到隊出世之麻. 驚大家厭呀~~
B.DUCK.近年最愛的產品之一.
回覆刪除[版主回覆03/29/2013 14:10:22]講得“之一”，即係博愛主義者定啦。