熱水爐

屋企終於裝咗新既電熱水爐啦。(大家無需驚訝，)我老實同大家講，電力公司同媒氣公司既服務真係差好遠，要親身落單都算啦，預約送貨同安裝都冇咁方便。

我地住緊果度因為供電問題，係裝唔到最新式既即熱恆溫熱水爐既(即所謂三相式供電)，只可以裝儲水式熱水爐。

大家用開煤氣熱水爐而又要轉電熱水爐既朋友，就要記住，因為熱水爐需要較強既供電，要用20A既線，所以要獨立再拉線既。咁你分分鐘要由電箱度再拉條電線去浴室架。



因為個開關制係廚房，所以係好容易唔記得閂制既。

屋企既大不良 - 爸爸，就成日都唔記得熄爐，我初時都有係個風筒度貼張字條提佢既。但佢竟然搣開張字條就算，最終都係冇熄爐既。

咁我唯有係三組燈制度貼出告示啦!



仲一張比一張嚴厲

但佢仲係唔聽勸

都唔知點先教曉佢記住熄爐啦。

用咗電熱水爐，就要適應預留時間，啪制俾個爐將D水加熱，所以一下訓過籠，早上起身洗頭沖涼先返工就會太趕架啦。

仲有，煤氣公司之所以有咁好既服務，都係我地呢批羊仔身上既毛黎，佢每個月都收取每戶$29.5架，即係每期賬單，就算你一D煤氣都冇用過，都要俾$59佢，作為維修同保養系統既費用架。