唔知係咪因為我放咗D南瓜子殼係泥面，就激發起佢既潛能，同我開枝散葉，長咗好多小分枝出來。
我之前冇理佢，真係越長越大，後來仲變成幾棵個體戶添。
今次我就剪一棵細細既芽仔出黎，見唔見隔啦底有一小粒凸出黎既野?
係根黎架，只要浸水，佢好快就會長長架啦。費事開咁多個樽啦，去辣椒姐姐度借宿幾宵先啦。
過多幾日，條根長返D啦。
你咪睇塊主葉咁醜樣，佢地仍然會健康成長。
睇下，第二塊葉就標出黎
條根再長D，就由得佢浸住水，養住先。到佢長多D根，就可以上盆啦。
呢棵係我早前分枝種既，都好健康。
睇下最底果度
已經再長多幾株出黎
咪睇少呢D阿B呀，佢地第日長大咗，就會自己長一朵花出黎架啦。
咁即係隨時一盆有幾個頭啦。
我成日覺得佢好難種ga 睇完你寫 又有啲啲信心 hehee~~~ 咁等佢開花耐嗎?
回覆刪除我咁鬼懶，唔多理佢地既，點知又會生得唔錯。雖然我間唔中好多日都唔記得淋水，佢地都冇乜投訴，只要我淋返水，佢地就啋返我，冇隔夜仇。
刪除今日有花蕾啦! 我都係忙咗半日後返公司先睇到咋!
刪除