新加坡臘腸，你試過未?

屯門開咗間幾大下既阿信屋，又去尋寶先!

見到有新加坡臘腸，好奇就買D返黎玩下。

佢地既卓頭係酒香臘腸，我買咗三包唔同味既: 女兒紅、高粱酒同茅台燒酒味。

女兒紅$23.9，一包四條，加咗鯷魚醬，蒸熟之後酒味唔太重，算係偏瘦既臘腸黎，蒸完出黎一D都唔肥，咬開亦冇油彈出既。唔太咸，亦不會好似中國臘腸咁硬。

呢包我買俾隔離位好同樹試下既，我拎黎當萬聖節禮物送俾佢。

但係點解叫佢做鴛鴦臘腸呢? 又唔係有埋膶腸。

嬸嬸平日對我咁好，我梗會俾包新野佢試啦! 

茅台醉雞碳燒加瘦腸$26.8，聽個名幾勁呀。呢款係雞肉做既，我細個果陣都食過臘雞，唔知雞肉臘腸咩味既呢? 豬肉做既都偏瘦架啦，今次仲係加瘦，應該唔慌油得去邊啦。



呢款可以考慮送俾印印姐姐試下。