既然咁鬼簡單，等我都黎試下。我比較貪心，買咗好大隻既蕃茄。
記住要認真D去洗外皮，去咗蒂，仲要係茄皮畫十字。
同平時咁程序去洗米，怕太濕可在放米水時略扣減少少，加上鹽同黑椒粉。再將蕃茄扒轉放入去，加少少橄欖油就可以照平日咁用飯煲煮飯架啦。
但我屋企係喜歡蒸飯既，所以我就用咗個有蓋既不鏽鋼兜去整，又貪心，加埋超甜粟米粒，增加口感。
一早起身蒸落飯就可以去梳洗啦，半個鐘後就搞掂。我話俾Bibi聽呢個就係近期熱爆既蕃茄飯啦。點知佢話: 一睇個樣就知唔好食啦。
咁話時話，我初初都好有戒心，白飯加蕃茄咋喎!
但煮好之後，壓爛個蕃茄，同D飯撈勻咗，就食得架啦。
只要調味得宜，都幾清新既，唔覺寡淡。間中換下口味都唔錯吖。
喜歡素食既你，或者都會鍾意架!
睇落好正....
回覆刪除都唔錯架，你都試下吖。
刪除熟蕃茄有抗癌功效，多吃無妨！
回覆刪除慳水慳力，豐儉由人，懶人首選。
刪除我諗你的做法會更好！
回覆刪除既維持佢簡單既原意，亦做到豐富口感，較易令人接受。
刪除我媽都係蕃茄加粟米咁整呀~唔寡呀好正呀~
回覆刪除間中食下都幾好架，尤其你成日豪食，俾腸胃休息下都好既。
刪除呢排真係見到好多人FB整蕃茄飯, 我媽就會整蕃茄雞飯迎合我地一班食肉獸
回覆刪除其實道理就好似我地細個食既有味飯咁咯，不過從前D反而講究好多。
刪除