獨角仙與小青蛙

原本冇諗住介紹呢款糖既，$7包，份量唔多，在我黎講亦唔算特別。但Bibi超喜歡，最後我每款都買咗好幾包黎滿足佢。

我承認，我係有D寵佢既，都咁大個啦，已經好獨立，唔係好粘阿媽架啦。尤其佢由細到大，重來都唔會lur我買野既，如果佢依家偶爾撒撒嬌，都唔錯吖。

我知佢味覺冇我咁敏銳，佢口中既"尤其青蘋果好好味"，其實係白提子黎。青蛙同小蝌蚪都係白提子味，青蛙卵就係蘋果味，入面仲有餡心添。

包裝袋後面都有可愛插圖。

食晒成包先係百五卡，所以佢食起上黎冇心理負擔，開開心心咁狂啪。不過，佢每次食到最後兩粒，一定問下我想唔想食，先會啪埋佢。

另一款獨角仙糖其實原則上我係唔會買既。點解?因為係可樂味，一切可樂做既野我都唔會食既，包括可樂雞翼。事關我曾經有超嚴重痘痘問題，戒除牛、羊肉同可樂之後，已經好返晒，所以我從此都唔會掂呢D食物。

獨角仙既幼蟲係橙味，成蟲先係可樂味。

我地都養過獨角仙，呢頭近山，季節啱就易碰到。佢地既幼蟲係好肥大既，真係有我手隻手指公咁粗架。

日本零食，一向可愛，賣得咁平，就好似走咗去學校既零食部咁。

後生女，一定鍾意架!