香蒜帶子蒸豆腐

Bibi難得係屋企食飯，咁我就整返碟靚餸佢歎下啦。

所謂無氈無扇，神仙都難變。冰格有日本帶子，又有百福豆腐。咁我就發揮下急就章既本領啦!

材料: 豆腐一盒、急凍帶子十零粒、蒜子

好老實，d帶子我係直接係冰格拎出黎，沖走晒d冰就用啦，係冇調過味既。

蒜頭切片，係鑊度放油，油熱就爆下d蒜片，煎到燶燶地，畢起d蒜片，又裝起d蒜油備用。

豆腐切開六件排放碟上，先蒸豆腐。豆腐熱咗，會出水既，倒咗d水先。鋪帶子係面，再加埋d蒜片係上面。

加蓋，再蒸六至八分鐘。拎出黎，泌走d水，淋d蒜油係面。食時自行加d豉油就得啦。

好味到呢.....，都唔係我誇口，真係正架!

做乜唔加D蔥? HEHE.... 我唔多食蔥既。