Go Inside 牽心

舊同學聚會，有人提議到這兒。

一間有聾啞人士服務的意大利餐廳。



入面近門口都有幾張小朋友畫既畫作做裝飾既椅子。

紅磡地鐵站C2一出，上天橋過對面商場，轉左行入去，差不多到尾就係啦。

果日商場正有樓盤活動，人頭湧湧。

大家事先已收到同學傳黎既餐單，豐儉由人，我早就鎖定目標啦。

但門口既手寫版餐牌更有可觀性

外面亦樹立咗大餐牌，未到你入去，都可以睇下有咩食。

散叫就梗係唔抵啦，都係食午餐抵D。

跟餐叫蛋糕，只要加$20，仲抵。

桌上既餐墊有好多圖示，方便你向服務員指示需要。

是日餐湯係椰菜花湯，味道唔錯，溫度亦足。

我加$8多配一份沙律，雖然份量唔多，尚算物有所值。

我點了三文魚、帶子蘋果醋飯($80)，青芥末及豉油另上。飯就唔多覺酸，帶子都算OK。

呢份係澳洲西冷伴紅酒汁，$70。仲有其他人叫肉眼扒及其他食物，但因為係長檯，唔方便影啦。

飲品可以加錢升級，我肚仔麻麻，就唔敢亂黎啦。

我地都有叫蛋糕，呢件係Tiramisu

New York Cheese Cake

Blueberry Cheese Cake

我升級飲拿鐵，味道唔錯架。

我地訂兩點，8-10位，企咗一陣先有得入。呢度算舒服，原本有人打算一路坐到食埋下午茶架，但原來成四點半先開始係下午茶時間，但我地都坐到四點幾先走人，過咗一個輕鬆悠閒既週末下午。

有一樣野我好想佢地改善既，就係店內有蒼蠅飛舞既問題，真係好殺風景架。