Just about Food

係機鐵香港站有呢間野。我路過幾次都冇幫趁過，但今日想懶D，唔返公司整野食啦，睇過餐牌都有啱食既野，就試下啦。

呢個係炒野菌雜菜、雞扒、雜菌飯，$55。

打開咁大PAD汁，都有D介意。但係D菰又幾好食喎。

雞扒無皮既，味道唔錯，雞扒上既汁就咸咗D。

雜菜入面有紅、黃橙籠椒同肉豆，感覺好爽脆既。

啖飯呢.... 都好食喎，

順手拎個餐牌返去研究下

呢度有早餐食，只係比連鎖快餐貴幾蚊唧，都OK既。

早餐就咁食杯乳酪，就唔多啱我啦。

包類都唔算貴，加飲品只係七蚊。

亦有湯粉既選擇

午餐就係呢幾款飯啦

沙律我就覺得麻麻地吸引啦

三文魚扒好似幾好，但我又唔多喜歡呢個汁。

一件Pizza駛唔駛咁貴呀?

咁我情願食三文治啦

下午茶係d咁既甜點黎

咖啡我就麻麻既，鬼佬奶茶咁稀亦唔合我意。

所以都係返公司飲野算啦。

我真係食清晒盒飯既，只係留低咗d汁咋。算唔差架啦。