今次呢個望落都幾吸引。
一於約埋住果頭既朋友去試下。
咁啱佢又五月生日，啱晒!
菜式都唔錯架
好似幾多野食咁
$99 + $24.8 + $11茶錢，即係$135一位，都OK喎。
一座落就開茶，俾咗碟有殼既花生你，咦，都好少酒樓俾D咁款既花生人剝喎，都幾好食。
咋咋臨就揀好晒自己想食既野啦。
新式酒樓，多數電腦落單既。
茶樹菰併海蜇，幾特別，辣辣地，夠開胃。
腐乳唐生菜，出奇地唔咸，菜亦靚，灼得剛剛好。
冬蓉羮普普通通啦。
蒸扇貝麻麻
乳鴿就真係夠嫰，一人一隻。
蒸大連鮑魚，一人有兩隻，算唔孤寒啦。
鮑魚撈飯，其實係炒飯底黎。
原本叫咗桂花糕，但一人要食兩件，好似好厭咁，問呀姐可否改一份做紅棗糕，佢又俾喎。
紅棗糕仲正，香香軟軟，煙煙韌韌，好食!
估唔到真係咁抵，現場真係冇乜客架咋，可能佢真係太新啦。
沒有留言:
張貼留言