茶木

又一次冇約定既約會。

話說我攞咗星期一既假，同裝修師父訂完鋁窗，又揀咗D瓷磚等物，分手剛好十二點幾。一睇Whatsapp知道Bibi都放假，就同佢一齊食晏啦。

佢帶咗我去尖沙咀H8 12樓既Bel Cibo。

佢食黑毛豬

我就食鱸魚

食完見天氣麻麻，又大雨，咪走去茶木食個甜品先咯。唔駛等位，一去到就有卡位，但卡位入座時間得個半鐘即唧，我地又唔係談咩心，夠架啦。

呢度出名既甜品係吐司，搵咗呢個哥哥做代言，比較失敗，因為Bibi都翕唔出佢個名。好似係關楚耀掛?

都仲有好多其他款式既

我個嘴已經俾大家寵到尖晒架啦，如果食cake又唔駛黎呢度啦。

所以我都係選擇叫招牌貨。

好大份呀! 好彩我地選擇兩份食咋，一個人點食得晒呀?

好脆、好甜，想唔肥都幾難!