原本佢見到要取票等位，就唔多願意既，但我試過呢度既早餐，想試埋晚餐。
個餐牌既食物都幾吸引，價錢亦大眾化。
款式又多，梗有一款啱你心水。
下次等我帶Bibi黎試下佢地既小吃先
沙律都唔錯喎，炒鰻魚飯，我鍾意呀。
爸爸叫既牛扒餐，配埋野菌珍珠飯、香草炒野菜、煎蛋同薯條，我地一早做咗功課，要咗牛肝菌汁，真係好味啦!
我要咗牛肝菌烤雞珍珠飯，D汁果然夠味，唔會太咸，雞件亦夠，餸同飯既份量相約，加埋D菜，嚴格黎講可以話餸多過飯添。
加配飲品半價，紅豆抹茶牛乳冰冰，$10，萬勿錯過。
爸爸要咗熱鴛鴦
咁食法，只係$125。不過爸爸叫我唔好推介大家食牛扒，佢話有D鞋。但$65咁大碟野，一分錢一分貨啦，唔通俾和牛你食咩?
好，等我下次試下佢既雜扒先!
呢間嘢啲嘢大大碟好抵食架！
回覆刪除好耐無見喇 ~ ^^
呢間真係抵食夾大件，但好多人就會彈三彈四，又唔諗下自己拎咗幾多錢出黎喎，真係想食人隻車咩? 果D一蚊雞，俾你一家幾口去食佢幾隻雞，十零蚊就落到樓，擺到明就係要人蝕俾你，我反而唔想咯。
刪除你識得報平安，大家知你冇事就得啦。