呢個會藉，除咗有張會員卡，可以兩位去，免一位用餐費外，仲附送一疊優惠券既。其中有好幾張根本就用唔著，呢張係其中一張:雙人下午茶自助餐券。
只得星期一至五先用得，鬼得閒用咩?所以今次我收到D優惠券時，就係佢面前抽起呢張，都係等阿媽捱下義氣，放半日假用咗佢啦。
Tea Buffet都唔預有咩好野食架啦，但呢度假假地都係萬豪喎，食物質素都有保障既。
巡一巡，除咗沙律，仲有壽司魚生、日式冷麵、冷盆、各款果仁干果小吃
巴馬火腿配蜜瓜
三文治區，咁重手既野，我一件都唔會食。
甜品區
蛋糕生果等等，仲有我冇影到相既生滾粥、熱盆、中式點心區等等。
我習慣無論食乜自助餐都先飲熱湯同食少少包，打咗個底就唔會食太多野。今次呢個蕃茄忌廉湯真係好好味!
朋友第一碟就食乳鴿啦!
我都覺得乳鴿好好食，但湯我更喜歡，所以飲咗兩碗。
魚生都算新鮮，而且係有換畫既。
我要咗粥，自己執咗碼，交俾人煮，攞咗個牌咁上下返轉頭拎。好彩我唔算太遲落柯打，等一陣我個粟米墨魚蝦粥就搞掂。我去拎果陣，D柯打已經積存咗幾十碗啦!
朋友拎沙律，我唔要啦，費事晒胃納。
試咗少少碗仔翅，好咸。
佢仲食埋pancake
我唔駛啦，食呢D就夠。遠D果兩小堆野其實係蛋糕黎。
呢個梅酒啫哩加柚子泡泡，酸酸甜甜，都幾好味。
最後歎埋杯咖啡，拍下padpad就走人。
咪以為我食得少野呀，預咗冇食午餐同零食，晚餐都慳返。我一共食咗六件三文魚，幾粒螺肉，兩粒象拔蚌，三件乳鴿，一件煙三文魚，
三點半食到差不多六點，遇啱全城叮叮渡輪免費日，坐叮叮返中環，再好似平日咁上下時間坐村巴返屋企。
簡直係既充實、又爽到爆既周末節目呀!
華~~~你唔使錢食就係最正既地方~其實幾多野食喎~
回覆刪除有好多我基本上係唔會掂既，要留返D配額麻，都費事影啦。其實我都晒咗好多年呢D券，又唔知點解今次我突然醒起，先一早老笠咗張券。
刪除