租約期滿 - 交場

終於租咗樓上單位三個月，又到咗要交場既時候啦。

咁啱爸爸又放年假兼順便辭埋份工，所以佢可以做交場前既清場工作。

一向唔多願做家務既佢，竟然清潔得頭頭是道。

所有污垢都清理晒

連抽油煙機都抹乾淨，呢幾個月來，個爐頭我都冇用過，原滿上手租客搞到好污糟，爸爸依家都省到佢地立立令。

我地接手時，抽氣扇及冷氣機都係佈滿塵垢，就等我地俾佢重獲新生啦!

最厲害是馬桶，原本非常恐怖，我嘗試用醋、可樂都未能成功除垢。經爸爸努力後，已回復光潔。真係要封個所長佢做!

臨別依依，爸爸有D唔捨得，臨尾果晚仲叫我買兩個飯盒上去食添。

多謝呢個暫居地，俾我地係裝修期間棲身幾個月。

雖然有好多野唔順手，又要蓆地而睡，我地能夠順利過渡，真係好感恩。

最後拎埋呢少少雜物，就交吉啦。

業主都好好人，佢地見到我地將間屋照顧得咁好，都好開心。

這是他們送給我的擺設飾品，實在郤之不恭。我真係冇預留任何空間放飾品，呢度係屋內唯一的玻璃櫃(書架最頂層)，一於將佢地放係呢度。

我原打算一切從簡，不希望多放飾品，大家請勿再送擺件給我，事關配額已滿，我亦不希望大家既心意要打入冷宮呢!