LUNCH @ 麵屋武藏

諗住趁星期五食晏時去拎團購貨既，點知好日都唔去下，撞啱佢冇開喎!

都冇計架，唯有走啦，想話係地庫果層既元氣壽司買外賣返公司食既，又唔知間店咩位置，經過呢間麵屋武藏，見到大把位，定食又唔算貴，就入去坐低啦。

一個人去，安排我長條檯都冇乜所謂既。

見到淥拉麵既師父得一個人，雖然佢好似做到有條不紊，但我唔排除會有麵淥過龍既。

我叫咗比目魚定食，有兩件魚、蒸蛋、泡菜、沙律同小半碗飯，真係剛夠一個胃納不大既女士架咋。

我當然清得晒啦。