浴火重生 － 古市佳央

每天的車程間，我必定看書。像此本書，版面疏落，差點兒消磨不了兩天的車程，轉眼便看畢。

書面點題：一位燒燙傷患者重生的心路歷程

身高一百八十多公分的作者，日本人來說可算高大的了

 

1971年出生的佳央，是家中幼子，人長得師，自小優秀，無論學業及運動皆出色。可是，正如一般被寵壞的輕狂少年一樣，因為太放任而差點踏入生死門檻。

十六歲無牌駕駛電單車，一次意外，釀成慘劇。全身四成皮膚被燒傷，雖是撿回一命，郤受盡復健之苦，一段和痛苦與悔恨奮鬥的日子就此展開。勉強恢復部份活動能力，但已容顏盡毀，手部的活動能力亦大減。在住院期間，病患間亙相影響及支持，最後各人都能勇敢面對生活。

固然，家人的支持十分重要，意外發生後，佳央的兩位姊姊馬上趕到醫院．．．不論我麻煩哥哥什麼事，他都會幫我做．．．又因為家人和親戚間感情融，叔叔、嬸嬸和堂姊妹都輪流到醫院看望，每天至少會有一個人陪我。

佳央：本來我有點排斥在書中讓大家看到我的真面目。可是，如果這麼做能讓和我有同樣煩惱的人得到一些勇氣，那麼我就願意勇敢地站出。如果為外貌煩惱的人能因此得救，或許我就會覺得自己的存在就更有意義。

佳央母親：回想起以往的佳央．．．只要稍微努力一下，他都可以辦得到。．．．手腳動彈不得、眼睛也看不見的住院生涯，對他而言是非常痛苦的經驗，但他應該也從中學習到很多東西吧！正因為．．．．，所以他會考慮到別人、家人和父母的心情。

未看此書前，真無法想像及了解燒傷患者的醫療情況及痛苦，這可是一本值得一看的書啊！（索書編號：783.1 4025）

印仔四十五 - 魚 II & III

前幾日雕了這兩條魚，打算送給兩兄弟。我一向有好野都有掛住佢地架，唔知佢地大個佬之後，會唔會咁有我心呢？

大哥Andrew，我雕了一條鯊魚俾佢。呢個印看似簡單，但係要做到如許幼線，其實一ｄ都唔容易。雖然唔係人人都懂得欣賞呢位大哥，但係，我知佢係得架，只係時機未到唧。我一路都係度等緊佢長大，成為一個有擔當、有責任感既男子漢。

我想話你知: 男孩子細心d會多d女仔鍾意架, 所以就雕條要細心先整到既魚俾你.

細佬Maurice，我為佢雕了一條劍魚。我希望你力爭上游，俾心機學習呀！我都知依家讀書辛苦, 我以前都試過困係呢個深淵, 希望你有力量衝破難關啦!

睇落係咪好型仔呀？我嘗試了用鏤刻既方式去雕佢個名，原來以我目前既功力計，係唔難架喎！

呢兩個印仔,都有手指咁長架!

印仔四十四 - 阿柑

我們這一家的四位成員中，我想阿柑應該是最難雕的了。因為她有著一對穩性的眉毛，既要彎彎長長，又要夠幼，所以我遲遲都不動工。

好不容易提起精神，畫了圖樣。連橡皮也割了下來，才猛然發現忘了加字句啊！

怎辦呢？只得這丁點空間，可難加上字句呢。

唯有硬塞個「Hi!」上去吧，請諒！

總可以開工大吉吧，又有疑惑啦。其他家族成員，我都把頭髮刻成實色，那阿柑呢？只好把眉毛雕通吧。當心的刻好細緻的地方，尤其眼睛，看來都夠圓潤。所有線條雖然只係鉛筆痕般粗，整體來看，好像太粗了點啊！尤其眼睛位，像幾天沒睡好呢！試蓋一下，髮型亦不明顥啊。

那怎成呀？難道要作廢？自刻章以來，除了那未學行先學走的「雙喜」外，可沒遇到這麼大的挫敗感啊！

死馬當活馬醫，怎可輕易放棄呢？再來揮刀試認看，硬雕通髮際痕，做出前面流海的線條，硬把眼眶掙大，嘴、面都要修一修。

最後終於都算整容成功了！可以一家團聚啦！

印仔四十三 － 魚 I

要同某大男孩食飯喎，所以漏夜整個印仔俾佢先！

佢喜歡養魚既，所以我畫咗呢條魚．

既然我買咗咁多印台，就醒佢一個啦．

蓋下先！呵呵，ｄ線同個印台面果ｄ大字差唔多粗咋！條魚身就同我手指咁上下粗啦．

點呀？Ivan哥哥，你都係一條好魚黎架，第日要送野氹女仔咯喎，搵我啦！你童年果個”長頭髮姐姐”仲係度架，佢一定會幫你既！

會考後的自助餐

今日都幾開心，專登放半日假，十二點去銅鑼灣柏寧酒店Cafe One食自助餐．

母親節Bibi仲考緊會考，今次算係食餐好既！

湯就例牌有兩款，中式既係粟米雞蓉羮，西式係蕃茄忌廉湯，我地四個人，二對二，兩款湯都有人捧場

沙律既材料認真多，當然唔能夠樣樣食啦，算係非常好

冷盆既海鮮有小龍蝦，青口，蝦，魚生同壽司，我咁懶，梗冇食果ｄ要落手落腳架啦

煙三文魚，煎魚柳，燒豬肉，泰式咖哩魚柳．．

炒蟶子no good，菜好正，焗三文魚腩麻麻，燒味有好多款，我只係夾咗燒鴨唧，點心亦都有好幾款，但我淨夾咗蝦餃，其實仲有好多冷盆同熱盆既，但我冇要到．

車仔麵就梗有啦，都冇乜位食啦，粥我就食咗兩次，因為好夠熱，我鍾意食熱野，碟花生係Bibi拎黎自己食既

甜品比較大件，我都冇乜拎到，驚晒野呀．所以只係拎咗呢少少，士多啤梨慕司，朱古力蛋糕，朱古力慕司同埋點可以唔食既雪糕呢

Bibi仲係小朋友，梗係要玩朱古力噴泉先安樂架啦．

至於另一位參賽者咯喎，佢就一早就回本啦！

有自助軟雪糕食添架，Bibi話ｄ士多啤梨醬好好味，所以西瓜都搞成咁，你有冇食過士多啤梨醬同花奶加係西瓜同菠蘿度食吖？我腸胃弱，真係唔敢咁試呀．

食完之後，我仲要同Bibi去買謝師宴要著既衫．先係銅鑼灣行咗一陣，冇咩啱，跟住去旺角搵．我呢個路盲，鬼識路咩？明明去到旺角站，個出口話係旺角中心既，但一出到去，嗄？新之城？事但啦，照入去巡下，都睇啱咗一件既，但又想睇下有冇另一年好ｄ既，走咗上樓上幾層行下．

最後都係想去返頭先果間買，落返去，咦？唔見既？搵唔到喎，又盪失路？

Bibi：不如落去最地下果層再上返黎啦！

咦，又好喎，因為間野就係扶手梯一上到第三層就見架啦．好！就落去地下果層啦．

落到去，咁邪既！乜變咗旺角中心既？咁點呀？乜我地唔係行緊新之城既咩？咁點算呀？

Bibi：我地去返地鐵站，再黎過！

就係咁，兩傻就係盲中中咁由地鐵再上返地面，入返新之城，終於都搵返間鋪，買咗果件hom衫啦！

我都話咗我係路盲黎架啦，但我俾人問路既頻率就係相當高既，真係唔知ｄ遊客搞邊科架．

安眠小法

網友Sister Lam身體比較弱，血壓不穩，睡眠質素差。

 

爸爸早前學了一點點推拿手法，其中一招我想可以管用的就是用在手部推按上。不但可以令我放鬆，亦易入眠。這個懶惰爸爸嫌煩，越做越簡單，所以最近只用上以下的一招，雖然簡化了，對我亦有效用。

 

死馬當活馬醫呢，又不用花費，而且只是簡簡單單的動作，又不用幹很久，叫家人幫幫忙，總可以試試吧。

 

(一) 享受服務果位係應該躺在床上既，由這兒開始，即是手掌中位，不用太大力啊，慢慢向手腕推進

（二）重點是不用太大力度，就算輕輕推都可以，每人能承受的力度也不同，可以自己調節

（三）到了手掌頂部，開始向外推

（四）看見了嗎？爸爸的指頭白了點，即是用了點勁

（五）再向下推

（六）推到近手指線，又再向著手掌中間位移靠

（七）又重新起步，如是者約做一百下，做過一隻手，再轉做另一隻手，覺得舒服，而對方又肯為你繼續的服務的，可做到睡著為止．

以爸爸的服務態度計，我有點點睡意已立即離場．

算了吧，有好過冇啊！

是甚麼道理呢？是那個穴位呢？我全不懂啊，但做過後就真的睡得較甜，有興趣的可以試試啊！

印仔四十二 － Monchichi

身邊都有好幾位朋友係「矇珠珠」迷，徇眾要求，就整返個Monchichi啦。

漫畫版既Monchichi好似比較生硬，ｄ毛毛畫得唔夠仔細。我成日都覺得Monchichi都係實物毛公仔版比較可愛，事關我讀中一果陣，就有個Monchichi公仔卦係書包架啦！當年黎講, 好潮架啦!

睇咗一輪漫畫版既Monchichi，橫睇掂睇，都好似爭減ｄ野咁。畫一個細細地既黎睇下先！勉勉強強啦，我都係鍾意細ｄｄ既。

放低咗，又唔忿氣。點解一定要跟佢先？

又睇一輪毛公仔版，真係靚ｄ喎！不如自己畫返只啦，咁又係，就算唔得都叫做試過吖麻。好！我畫！

反正毛公仔咯喎，撥一撥佢ｄ毛就唔同樣架啦，其實冇乜譜既。咁即係話：「只要唔好太過份，基本上我點畫都冇人可以話我唔啱架喎！」

咁就得啦！一於同佢set個靚頭先。

係呀，我呢隻Monchichi既眼睫毛寧舍長架，唔得咩？係呀，我呢隻個嘴係細ｄ架，人地斯文吖麻。

睇睇下，你地話爭ｄ咩呢嗄？

係呀，我專登架。就係未有雀斑吖麻！

為咗更完美，我決定雀斑係最後先加上去既，而且ｄ雀斑可以因應主人既心情而走走位，咁就自然得多啦。

我就幾滿意啦，唔知真正既Monchichi迷又點睇呢可？有冇覺得我呢隻比原庄漫畫版可愛呢？

係呀！幸運兒就係你啦！生日快樂呀！係咪好開心呢？記住呀下, 整一個呢d印仔好辛苦架, 就當你已經預支咗聖誕禮物, 新年禮物, 兒童節禮物....架啦!

嗄！咩話？你又鍾意Monchichi呀？唔好搞我啦！睇怕我暫時都唔想再整啦。

冇定力

睇黎我都係唔多夠定力架啦，見Spotlight大減價，朋友去開買野咯喎，順便搭單．

原本只係話買兩個印台，諗諗下就話要夠五個啦，跟住六個都好喎，嗄？仲有只色幾好既？要埋啦。人地買咗兩個印台，話d色同自己現有既好相似，問我要唔要埋，冇所謂啦。
就係咁，由兩個變成九個啦。
咁我都唔係咁狼既唧，有幾個印台，我係打算送俾小朋友既，最終我都會只係要幾粒既唧。

嗄？點解少減個？咪已經配給咗俾人咯！

印仔四十一 - 我要做Model

睇睇下雜誌，咦！呢個模特兒擺出黎既姿勢都幾硬朗喎，如果用黎雕印仔都應該唔錯卦，等我畫下先！

線條簡單，身段都幾好，好，就獎俾呢個小朋友啦！

咪以為佢一只手粗，一只手幼，一只腳粗，一只腳幼呀，係角度既關係，咁先有立體感架！

印仔四十 - Work hard 豬豬

睇到有網友做咗豬仔印，都好喎，咁啱我又發現咗ｄ小朋友書上面有張幾正既豬仔插圖，就不如抄抄佢咯。
話明係抄，都要抄得高明少少既。一於改、改、改，等佢變成一個唔同既版本先。

呢隻豬正呀！點正法？因為佢都係冇乜譜架，線條好隨意，呢點我最鍾意，就算畫到走晒樣，都唔覺既，把刀一個唔覺意跣開咗咩？咪將錯就錯咯，又可以隨時同佢改造型同姿勢，而且都唔慌好多人見過佢。香港邊有咁多好似我成日蒲兒童圖書部既家長吖？

我手字，係咁上下核凸啦，你地都睇慣啦，可能睇睇下仲會覺得親切添！