印仔四十 - Work hard 豬豬

睇到有網友做咗豬仔印，都好喎，咁啱我又發現咗ｄ小朋友書上面有張幾正既豬仔插圖，就不如抄抄佢咯。
話明係抄，都要抄得高明少少既。一於改、改、改，等佢變成一個唔同既版本先。

呢隻豬正呀！點正法？因為佢都係冇乜譜架，線條好隨意，呢點我最鍾意，就算畫到走晒樣，都唔覺既，把刀一個唔覺意跣開咗咩？咪將錯就錯咯，又可以隨時同佢改造型同姿勢，而且都唔慌好多人見過佢。香港邊有咁多好似我成日蒲兒童圖書部既家長吖？

我手字，係咁上下核凸啦，你地都睇慣啦，可能睇睇下仲會覺得親切添！