印仔三十五 – 跳跳虎

四眼妹話要我整隻老虎印仔俾佢，咪走去做下資料搜集先咯。
國畫上既老虎同現實生活中既老虎都太威猛啦，就算我整到出黎，咁凶猛既名字印都好唔襯佢唧。
咁點呢？又畫一個俾佢，諗住同佢做埋「心形嘴」添，點知畫完出黎．．．
似貓仔多ｄ喎，點老虎呀？一陣大家實笑我啦。
真係未有功力學人畫老虎住喎，咁唯有屈服啦。跳跳虎就跳跳虎啦！

一路雕、一路滴汗呀，事關呢個印既難度分都有八十架，有板有眼又為人熟識既公仔係唔可以有偏差既，而且紋理有少少走位，大家就會覺得唔似架啦。

我已經順利完成任務啦！你可以隨時收貨架啦。