不可不看的民調

等我做一做民意調查先！
到底大家係咪好驚見到ｄ蠶蟲呢？
爸爸就好想將自己既養蠶心得公諸同好，佢自己當然覺得ｄ蠶蟲同蠶蛾好得意啦。而我呢，就冇乜興趣啦。
唔幫佢post出黎咩？又有ｄ好想養蠶蟲既同事話要睇，原來都幾多人有呢個童年回憶架，又有d人都想子女可以同佢地一齊分享呢ｄ知識。尤其ｄ女同事知道ｄ日本人用蠶繭黎作為洗臉美顏之後，大家更有興趣去試養。
唔知有冇高中學生想研究蠶蟲，用黎交果份所謂校本評核作業呢？或者又有冇小學老師想以呢個主題做通識教材呢？
不如咁啦，下次我post一篇蠶蟲網誌既時候，就用「爸爸的童年回憶之破繭而出」做題目。咁樣，果ｄ驚蟲蟲既朋友仔就千其咪開黎睇咯喎，免得又話嚇親吖麻。
又或者佢地想改變主意，練大d自己個膽既話，都可以去睇下既。反正，在現今呢個年代，想搵呢方面既知識都唔係咁易架。
我有理由相信，呢d圖片係非常珍貴既，唔係下下有人咁無聊，幫你影埋晒d咁既相架。
圖書館既昆蟲圖鑑都冇呢度咁清楚呀！