依家先知，Pekkle原來係好難雕架。
點解？原來佢ｄ線雖然簡單，但移咗少少位，就會失真架啦，而且佢主要係由斷線組成，無形中要花既功夫就同刻個幼細既文字章咁上下，足足搞咗我成個下晝，仲辛苦過刻只牛牛。
不過，佢個樣又真係幾傻既，整佢咁辛苦，都係要竭一竭啦，刻ｄ第樣好過。
我試下幫佢油顏色先！屋企冇咩野可以用，有枝寫白板既紅色marker係度，想話同佢著返件紅衫仔啦，但油出黎又太淡，都唔sharp既。咁轉著藍色衫啦，咦，ｄ筆乾既！原子筆都殺啦，頂住先。簡簡單單油埋對腳同個鴨嘴，靚晒定啦！
喂！細路！話緊你呀！唔認得自己個名呀？都買晒材料啦，仲未開工既？又話想整印仔既？呢個印滿唔滿意先？
想唔想要呀？想要就係咁意整件野出黎俾我睇下，叫做應酬下我至得架，的起心肝，快ｄ郁手啦，我俾足鼓勵同動力你架啦！
除咗你父母同老公之外，冇人好似我咁對你架啦，老老實實呀下，我邊得黎咁多時間整野俾咁多小朋友吖，當係預支既生日禮物，聖誕禮物，新年禮物，兒童節禮物．．．．．．架啦！
沒有留言:
張貼留言