蠶蟲結咗繭之後都要好耐先出到世既，係呢個期間，爸爸除咗成日將佢地搬來搬去，又同人地拍下「大膽」寫真之外（話明係大膽寫真，梗係唔出得街啦），仲安排咗佢地入住五星級既獨立房間。
當蠶蠶破繭而出，係會先排放多餘既體液既，仲要晾乾對翼呢。
我初時都以為佢地就咁咬穿個繭架，原來唔係架，蠶繭裏面仲有一層蛹既外殼包住蠶蠶等佢變身架，所以基本上外面果層蠶絲都幾亁淨既，冇乜污染到。唔怪得d人會拎黎做手工同洗面啦！
大家都知蠶絲係好靭既，咁蠶蠶係點出黎既呢？當然啦，佢地要先迫爆自己層外衣，再分泌酵素去溶解ｄ蠶絲先出到黎架。
呢只係公蛾，佢比雌蛾早出世．
咁佢地又係點分雌雄既呢？老實講，當佢地仲係蠶蠶既時候，鬼知邊條打邊條咩！但到佢地成為蠶蛾之後，就易分啦。因為雌性係肥大ｄ既，而且佢地尾部有明顯既產器，仲會發出一ｄ淨係公蛾先感覺到既氣息出黎，吸引異性。據講，遠至幾里外既公蛾都會憑住呢ｄ氣息搵到黎架，但我地人類就feel唔到啦。
呢只係雌蛾，見到佢條尾有咩唔同麻？我初初仲以為佢係公添！
我懷疑佢地係睇唔到野既，大家都係靠觸覺去感應對方既。當公蛾發現附近有雌蛾，就會不斷震翅，好似發咗癲咁，四圍搵邊度有靚女架啦，家蠶既翅膀基本上係退化咗，係唔識飛既。當佢地配對之後，就會立即交配，繁殖下一代。
呢個過程都要大半日架，然後雌蛾就會產卵。
顯微鏡下既蛾卵係咁既。
如是者，重覆交配、產卵既過程，一隻正常既雌蛾係可以同時有幾個伴侶既。經過臨時點算專家爸爸數過，你地估一隻雌蛾可以生幾多蛋蛋吖？
見唔見呀？依家知咩叫蛾眉未？
有成五百粒架！
俾佢企係放大鏡上面，等大家睇下佢個正面先！
沒有留言:
張貼留言