印仔三十二 - 花老爺

見到豬豬佢地玩印仔聚，華哥雕咗「我們這一家」呀，我一眼就睇中花老爺啦！阿桔仲係Bibi最鍾意既角式添，我點會唔手痕吖。

第一時間，梗係要去搵下資料先啦。目標人物──「花老爺」！

唔駛幾耐我就決定咗花老爺既靚仔甫士啦，但係，齋整個公仔又冇咩好玩，放某某個名上去，如果人地唔喜歡花老爺既，真係唔知多唔多謝你好啦。

唔好監人乃後啦，咁唯有「行d」，整句「Have a nice day!」算啦。

一面要做母親節蛋糕，一面又手痕想雕印仔，咁都俾我整咗個出黎。咦！ｄ線都係粗喎！要改！

經過多次修改後，就變成一個線條比較幼既印仔啦。

一整好咗，俾Bibi睇下先。

Bibi:「呢個唔准送俾人架，你留返黎自己整卡啦。」

咁咪即係留返佢用黎整卡咯！