星期六放假咯，就同爸爸入元朗行下啦．早一個站落車，去元朗廣場睇下蜘蛛展，冇咩特別，係咁意睇下就去食野啦．
兩點幾，避過咗食晏時間，入到去發記就有位坐，但當時既入席率都有八成架．
黎到呢度，唔叫生滾煲仔豬潤粥($18)，真係唔係幾對得住自己，所以就即刻落單啦．成煲粥滾熱辣，起碼有十塊八塊既厚豬潤，好正呀！
呢碗係滑牛粥($18)，唔關我事既．咁啱我身邊有個記者，佢點咗滑雞粥($37)，豬潤腸粉同煎蘿蔔糕（我見佢食果陣係冒煙既），猛咁用專業相機影相，ｄ食物就係咁意試下就請人俾外賣盒佢打包啦．我諗佢唔多接受到豬潤，碟腸粉佢撩過下就留低咗啦，仲將食過既雞骨放上面，晒野！睇怕佢既食評都唔慌會中肯啦．
食完野，去咗十蚊店，見到好多新版雕刻用橡皮，我好克制呀，只係買咗兩枝馬油就閃啦．
跟住我去咗街市，買咗兩斤豆卜，呢度專賣豆卜既，廿蚊斤，都幾靚架．
好貪心，叫阿姐同我將三款豆卜都執齊湊一斤．嬸嬸對我咁好，就醒佢一斤啦！佢話係西環，俾五蚊，個檔主俾咗六粒佢咋！
順手買咗半斤魚滑，要黎釀下豆卜都好呀．
見到有平粟米賣，十蚊六枝，買咗一份，跟住諗諗下，嬸嬸好似都想要架喎，再執一份添．大鑊！重死！
咁既陣容，真唔係野少架．
非常嫰，剝完出黎兩大袋，分一袋俾嬸嬸先．
一心諗住去好耐之前同事買過俾我食既花生糖專門店買花生糖既，一路行都唔見有ｄ咁既鋪頭，又唔記得店名同地址．
打道回府，竟然俾我係轉角位見到間店！老闆十分大方，試食都係俾大大舊你既．
$22一盒，我揀咗三併軟糖，花生鬆化，糖軟糯，芝麻香氣撲鼻，簡直係花生糖中既極品．
買咗兩盒，可惜因為已經負荷唔到，冇乜心機再睇其他野．返到屋企先見到盒上話有香蕉糕，薑糖等等，早知就試埋先啦！
早上，係Ｈ＆Ｍ外面路過，見到斜對面有個招牌寫住 "一生良品"，咦，乜同無印咁似既？平日好似唔多覺佢架喎，咩鋪頭黎架？
食晏再經過，乜原來係卓悅既一部份黎，係地庫果層，有好多零食賣．我呢個隔價專員梗係要巡下鋪啦！
買咗呢Ｄ東東：
其實入面既野，好多係外面零食鋪都有，但價錢呢，都唔算貴，有部份都比外面平少少既．盒瑞士卷$9.8咋，有十件，據朋友講，佢話幾好食．事關我係百佳都買過（我買得仲平過呢度），送過俾佢．後尾佢要我再買，已經買唔到啦，我地屋苑Ｄ師奶幾大威力至得架，唔掃晒返去俾小朋友當茶點至奇呀！
拿，呢盒美國版杯麵，啦沙湯$3.9
呢包啫哩就十皮，有１５杯仔，質地唔錯，可以用小匙畢俾小朋友食．
新亞薑糖新包庄，仲出咗好幾款味道：芒果，花生，香橙，薄荷等，但我都係中情原味．
依家係錫紙袋包裝，冇咗米紙架啦，雖然佢夠辣，但實在甜咗少少．
但係最估佢唔到既.... 係我竟然係度搵到佢：
紙蕾絲工具呀！當然啦，都係做迷你野既好幫手黎，兩端都用得．
一頭大，一頭細，幾正！
幾錢呀？$9咋！
其實唔止一款架，仲有一款木柄既，一端係波波，一端係尖既！
我細個果陣，其實零食都有好多種類架．有ｄ就係大人覺得生積既，例如冰凍酸木瓜，話梅呀，果ｄ咸濕野．
我記得細個第一次食香口膠，係讀緊幼稚園既，點解我記得？事關我三歲就搬家，同步上幼稚園，所以時空記憶係會分得清楚ｄ既．果次我大家姐見我口郁郁，就要我丫大口，跟住佢發現我食緊香口膠，就即刻好慌張咁命令我吐咗佢．
係呀，果粒香口膠，係我自己買架！以前咁細果陣，我係有機會跟大人出街架，去到ｄ士多仔度買野食，邊個話細路唔曉呀？我夠知果ｄ係香口膠，唔吞得落肚咯，我真係冇咁史提拔呀！做咩咁晒要我吐喎．．．．仲有好多味架！
依家我就介紹一款我讀小學，係零食部有得賣既東東你地睇下，就係五香蠶豆啦！唔係炸果種喎，唔熱氣既．
呢ｄ古老野，已經冇乜機會係市面見到啦，家陣要等人返上海，先會有機會食．
唔係嚇你，佢竟然曾經係御用貢品黎！
佢其貌不揚，實在都幾硬下架，可以叫佢做蠶豆乾既，但一ｄ都唔脆既．
嬸嬸話要棚牙唔係假既先食到，近年我ｄ牙都唔係咁靠得住，所以只係食幾粒，過下口癮，叫做回味下算啦．
面頭有ｄ香料粉粘住既，呢ｄ已經冇我細個食果ｄ咁大粒啦！（或者果陣自己細個，睇既野都大ｄ都未定．）
係回憶中既小學小賣部，一毫子有交易，係長條狀既白色唔透明既膠袋仔袋住既，面頭印有紅色字既．一包好似有五粒咁上下啦．以前食果ｄ呢，就偏向啡紅色皮既，依家呢ｄ就偏向墨綠色．
放入口，又硬又un，但細路就會覺得好滋味啦，有時我地就慢慢剝開ｄ皮，再食ｄ肉．又或者成粒放入口趙，逐少逐少吞入肚．
老實講吖，咁多年來，佢既味道都冇乜點變，而呢隻牌子，品質亦相當不俗，可以講係越趙越香，幾好食架．
我帶咗幾粒返屋企，有晚Bibi開夜車，無意中發現佢，俾佢食晒．但佢話：因為我果陣有少少餓，所以咪食晒咯，但我唔覺得好好味喎．
或者．．．我食佢果陣係計埋ｄ感情分入去啦．
同事們工作煩忙，下班後回到家裏，吃過晚飯，恐怕沒有胃納多放一點水果．所以大家多在公司吃水果．
有一天，同事賜我一隻網球般大的恐龍蛋．晶晶亮亮的，像個紅蘋果．
我當日午餐吃得太飽，所以留到翌日才吃．期時看見大家在茶房分吃時，都大讚又甜又好吃．我是一個怕吃酸味的人，謹慎地問過：皮也不澀嗎？連皮吃也甜嗎？
大家異口同聲給了我一個肯定的答案，好讓我安心．
於是，我決定在翌日午飯時，先吃水果，才吃飯．（我知道飯前一小時進食水果才是最佳時機，但實在沒空呢！）
滿心歡喜，把已清洗乾淨的恐龍蛋，仔仔細細地抹拭一回，光可鑑人．懷著感恩的心，咬了一大口，拍張照片跟大家分享．
誰不知．．．．
怎麼會是酸的呢！
心想：可比只是皮有點澀吧，削皮試試看，還是一點也不甜呢！
我肯定早上沒吃過零食，連早餐那杯奶茶也沒放糖啊．
可見到那汁液豐富的果肉啊？這麼大一個水果，我足足花了二十多分鐘才把它吃完呢，簡直是百般酸味在心頭，連午飯也沒心思吃了．．．
這是三文魚給我送來的心意，所以揀三號才發佈：
真係估佢唔到，Dr. Mario? 呢款我未食過喎．
一盒有七粒，我梗係要先食為敬啦，咬入去，似日式既啫哩糖，唔un既．偏甜，但都幾好味架，果汁味搭夠麻．
佢仲送我兩個有粘土做裝飾既夾夾添！
好多謝你啊！
老闆出門兩週，他的鐘點嬸嬸阿靚可不甘令我寂寞，趁有空檔，做了愛心腐皮卷給我．
山長水遠送到公司給我，一大盒，足足有十四條呢！
事不宜遲，午餐不用買外賣了，就淥一個麵線，加兩條腐皮卷便成了．
咬一口，清爽怡人，滋味非常．人家用心良苦，特別做素食口味，希望爸爸也能分一杯羹呢．
所以，即晚我便煮了黃芽白翠玉瓜粉絲，到需要放翠玉瓜時，再把腐皮卷落鑊順道加熱．
簡簡單單又一客碟頭飯咯！
