年尾，拎返D未曝光過既印出黎用，用埋幾個舊印仔，做咗一大堆揮春仔應節。
呢幾個印，出黎既效果真係唔錯。
今年我冇做咩得意洋洋之類既羊年印，反而覺得祝大家東成西就，仲好意頭。
身體健康我做咗一大一細，大既俾咗長者，細既留返自己。
因為有好多人喜歡擺年花，所以都專登做埋呢個花開富貴。唔駛奇怪做乜咩色都有D，事關大部份係環保紙黎既，係D宣傳品同年中收返黎果D炸彈既信封剪出黎既，用得唔好晒，我儲咗成年架啦。
主賜平安印仔雖然送咗俾人，但我都有整咗幾個絕版貨黎酬賓。
因為做得太多印，基本上唔記得自己有咩。
所以，今年竟然冇整到生意興隆既揮春喎! 好彩我冇做生意既唧。
就係啦，我有幾可唔蝦碌架? 睇下呢個陣勢，都夠令人開心啦。但俾Bibi話我量產呀! 即係大量生產，我唯有阿Q地當佢話我限量生產啦。
4/2果朝，有朋友提我當日係立春，應該貼揮春，迎春接福喎。
嗄?迎春接福? 我冇整到添! 今年只係做咗一個福字印俾一位好勤力既小朋友做實驗，我自己都冇整到黎玩添!
其實花款都好夠多架啦，我就好貪新鮮既，之前整落既印仔就唔多願用，希望大家有返D新鮮感嘛。主賜平安同萬事勝意都係得三張架咋。
就俾D新丁出下場啦，我已經唔駛學業進步住啦，事關我個Bibi都出黎做野啦。但呢個印受歡迎程度仍然高企，所以詢眾要求，一定要做既。
好彩我都仲有個五福臨門既印仔，都叫做有D福氣接下啦!
實在都計唔到自己花咗幾多日去做好咁多張揮春啦，單單界托底紙，都做咗一日，逐張裱起佢又要一日，咁之前既起稿、雕工、印製既時間呢? 唔係我年中有偷步整咗D呀，都咪駛旨意我年尾交到貨俾大家呀。
希望工程完成，大家有D分到一張、有D一家幾口先分到兩張。我都唔係幾好意思，就當係點點心意啦，所謂物輕情意重，咁大個信封，先得少少野係入面，我連字都唔撩幾隻啦，反正全球只此一家，冇乜花巧野，大家一睇都應該認得係我既出品。
係呢度同大家拜個早年，祝各位新春大吉，喜氣洋洋!
這是團購二人晚餐，$488加一($49)，兩位用。
都唔知D男人買野點解咁蠢既!
話說爸爸有日係七仔用五個大洋，買咗一條Tim Tam威化，仲懶醒咁whatsapp我，話幾好食架咁。我一向對呢個品牌既餅食都冇乜興趣，覺得佢偏甜，所以佢既威化我都唔打算食。
返到屋企，爸爸問我屋企有冇朱古力威化係度。唔係啦掛?食出癮呀?
簡易版魚腐，材料是四兩魚鯪魚滑配兩隻蛋，蔥粒是隨個人喜好而決定放唔放既。
為咗慳工夫，我選用咗淡水魚檔既已調味鯪魚滑。就咁倒入深碗，順時針一路搞勻，分幾次徐徐混入蔥粒。
冇做過咁大張揮春，只係早幾年畫咗兩個印，擺埋一邊冇件事。
我對零食既好奇心最強，原先是發現同款的香蕉古古力蛋糕既，拎起手又放低，估佢十成九都係麻麻架啦。但後尾又俾我遇到佢: 牛奶布甸味。賣相其實唔錯，如果當時Bibi係我身邊，我一定會買香蕉果款。
年頭做的章，年尾才曝光，皆因擔心大家看多生厭。
所以早就安排這篇BLOG打入冷宮，成為期貨。
分開兩天完成
自以為一剔過搞掂
只是印得力水不足，多印一次就可以交差
來一張合照
再印到紙巾上
才發現出事。怎麼隆字內的"生"有點兒怪怪的?
原來寫漏了一筆! 立即補一刀。
今回就似樣啦!
就黎過年啦，市中心又添咗D賀年氣氛。
今年搞咗個Mini Cooper展
今年既主角係呢兩部
羊仔車
叫做應下景
我對呢D車系唔認識，但都應該有人會鍾意呢D車既。
仲有一部爬咗上牆。
亦有展覽櫃展示模型車仔同有關刊物
相信都會有人儲呢D東東既
Blingbling手機套
迷你場景等等
好戲在後頭，展覽場地背面，另有洞天。
都放咗好多模型車仔係度展覽
有大有細，亦都有D好仔細既。
呢架係丁丁既，幾得意架。
我反而喜歡大架少少既，雖然阻地方，但會包括好多細節野。
連反斗車王都有埋，犀利!
其實我都幾喜歡食呢隻餅仔既，英國牌子果款，鬼死咁貴，一包仔都成十蚊，而且較咸較硬。
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
