其實我細個果陣，明治係出咗一款朱古力，一盒入面係細細粒既公仔形，主角係果隻猩猩仔Monchichi，每一粒都好完美，又好味既。
呢包都係標榜公仔造形，仲係3D喎。
賣點係下面粒住粒球形餅仔，外面包住古古力，令口感更豐富。
仲話有15款古古力造形，同五隻色添。
一盒兩袋仔，啪一包就百零卡。
打開入面就係咁既，即刻開包黎試下先。
車! 實在太令人失望啦!
係就係有形狀，但啤工太差，太粗糙啦! 同我以前食開既，距離太遠。
咁我都明既，大家都唔同牌子。佢主要都係賣包裝唧。
入面都印咗遊戲轉盤，我地細個果陣就話冇咩好玩，會玩埋入面既包裝唧。家陣D細路又點會同你玩至得架。
雖然佢味道都好正常，冇紙盒味，亦冇包裝味，但我食咗兩粒，已經對佢冇興趣啦。鬼叫我細個果陣，食過精美得多既明治迷你朱古力咩?當年每一粒都好靚仔既，仲有馬騮仔Monchichi既樣既，點會好似呢款咁粗糙既呢?
哈哈!食慣魚翅,食番粉絲梗係差啲喇!
回覆刪除係，返唔到轉頭啦。
刪除我都覺得明治朱古力質素好好多呀！╮(╯▽╰)╭
回覆刪除其實呢個品牌都唔差既，只係設計果位冇考慮得咁周詳唧。
刪除