接財神? 摺財神。

年近歲晚，大家都做應節野。我原本就收咗爐架啦，但又俾我見到呢條片喎: 摺財神

用細張既手作摺紙試下，成功喎! 幾可愛吖。

跟住我就分D紙俾大家，等人人都可以接財神。呢個係同事摺既。

用利是封再整一個大D既。我想佢成熟穩重D，就同佢加返D鬚啦。

D鬚點黎? 梗係用環保既雜誌紙啦。

我好求其咁剪個方形

再一開二剪成三角

左右兩個尖尖剪走少少

咁貼上去就唔同樣啦

呢張又係免費既福字揮春，上面有大面積既金色。

剪粒腰豆形，再剪粒包包

組合起來就係閃閃生輝既金元寶啦。

就等財神爺係度祝大家財源滾滾，衣食無憂啦!

P.S. 今年呢個財神氹得我D耆英家姐好高興，希望下年又有新招，可以再令佢地笑口常開啦!