為咗慳工夫，我選用咗淡水魚檔既已調味鯪魚滑。就咁倒入深碗，順時針一路搞勻，分幾次徐徐混入蔥粒。
將蔥粒混好，就可以繼續加。
我分咗好幾次放入大概六棵蔥的上截。
撈勻後，備用。
預備蛋液，我今次做兩份，即係半斤魚肉，所以用四隻蛋。
蛋打出
加入鹽及胡椒粉
打成蛋液
逐少加入放魚滑的碗，順時針繼續攪拌。
攪至看不見蛋液，就可以再加。
一路順時針攪勻
把全部蛋液加入，就會變成咁。
我用一個扁平的工具去畢，大家亦可以用小匙。
我唔想用太多油去炸，就冇可能做成球形啦。折衝辦法是在小煱內放油。
以半煎炸方式一小匙、一小匙地放入去煎，懶理將會變成扁扁的形狀。
煎至一邊略為成型即可反身
中途可反身多次，直至魚腐膨漲(因為攪拌時混入咗好多空氣)，即代表差不多熟了。
煎至兩面金黃，即可以鋪有廚房紙的碟盛起。
因為佢地都好快熟，其實半斤煮好晒都唔會太耐。
新鮮食固然可以，放涼後以保鮮袋裝好，用來做煲仔菜、配麵食、打邊爐均可。
我當然有即刻食返件啦，橫切面看到很多氣孔，係咪似煎豆腐呢?
原來真係咁易，謝謝分享啊！
回覆刪除呢D叫哎吔版，咁就梗係冇人地由買條鯪魚返黎刮肉去打鯪魚膠咁認真啦。
刪除原來係咁整~~多謝分享^^
回覆刪除呃得下人架，第日整俾朋友食啦。
刪除好叻呀你~~~望落好正!!!!!
回覆刪除我爸爸好鐘意食魚腐的~~~搞到我都鐘意食~打邊爐食真係正!
原來係咁樣整~
呢個係化煩為簡版本，你第日公子聚咪可以大顯身手咯，包佢地俾個讚你!仲可以預先整定，帶去某某屋企打邊邊架。
刪除買現成的魚滑再加工，事倍工半，不失為一個慳時間的制作方法！
回覆刪除Wakakakaaaaa ..... 係事半功倍呀!
刪除