Tim Tam Wafer

都唔知D男人買野點解咁蠢既!

話說爸爸有日係七仔用五個大洋，買咗一條Tim Tam威化，仲懶醒咁whatsapp我，話幾好食架咁。我一向對呢個品牌既餅食都冇乜興趣，覺得佢偏甜，所以佢既威化我都唔打算食。

返到屋企，爸爸問我屋企有冇朱古力威化係度。唔係啦掛?食出癮呀?

第二朝逛開超市，見到一盒八條，賣$17.9，我仲有九五折，即係$17，除開即係$2.10，足足平過爸爸一半都唔止。

Arnott's出品，心裏有數，都知佢地一貫都唔會低甜度架啦。



睇下個標籤，產自印尼，咁就唔應該貴既。

超過四成係糖份，認真勁! 不過佢冇反式脂肪，算係較為好既零食黎。

我就話冇配額唧，但爸爸係排骨仔黎，就俾佢食啦。

既然我都買咗咯，又冇理由唔試下架?

由我細細個開始食吉百利既朱古力威化開始研究，一路都想知點解佢地一定要整個奶油餡做夾心咁搵笨呢?呢D餡芯又甜到死，連KitKat、Time Out都唔例外，我另外仲食過好多唔同既大大小小既牌子，仍然未搵到一款令我滿意既。


定

或者Witor's呢款72% dark係最近近乎我要求又包含威化既朱古力黎。

過年前我見到佢既普通dark 1kg賣$89.90，忍唔住買咗包，就當送俾大家既情人節禮物啦。

小小心意，等大家都可以開心下。