今次人家話明要訂一個朱古力蛋糕，用黎farewell既。
鬼佬口味既朱古力蛋糕，一定係要深啡色既。咁襯起色上黎，就有d難度啦，事關如果亂堆雜果上去，就會變得搶，又唔可以突出主題。我又唔想濫用d朱古力條或者心心之類既配件。
第一個問題，措詞，踱咗一輪，終於敲定用 “You are the best!”。
好，試做了字句牌，以為已經夠細塊了？噢！對不起，仍太大！
要細d，再細d！
第二個問題，點樣做到清清地，又要放得落咁「大」塊字句牌呢？
好，就做個公仔托住佢啦。咩色好呢？唔想同d生果鬥搶，終於決定用粉綠色。
最關鍵既工序, 點睛! 好彩柏甘遜未係好嚴重唧!
如果想托起個公仔，芒果筒都係一個合適既選擇。好啦，又做d芒果筒啦。
深啡色既蛋糕，用白忌廉圍邊當然好啦，但係擺得耐，白忌廉始終會差少少。後尾揀咗黃色忌廉加奇異果片。
早排濕度高，所以物料比較難乾透。呢個蛋糕，終於係好傖促既情況下完成，希望收禮果位離職人士，會有一個美好既回憶啦。
近視VS老花
如果你曾經試過近視，或者視力越來越模糊（係未配到眼鏡前通常都會有一段日子你捱），你未必會記得呢個世界既真實情況係點，又或者你根本未曾清清楚楚見過呢個世界。
好似我咁，經歷過視力模糊既階段十多年，講出黎都冇人信，我由細細個開始已經知道自己睇野係有兩個焦點架啦。只係得果幾歲人仔，唔識得話講俾大人知，亦都唔知咁係唔正常既。自我有意識起計，我既左眼一向都係濛查查既，所以某程度上係單靠右眼去睇野既。若然偏重使用一只眼，好快呢只眼亦都會有問題，於是近視就係咁黎啦。
又咁啱，當時d大人以為我貪靚先會要求配返副眼鏡，於是就專登整副好核突既我歎。我好記得連埋鏡同框都係廿八蚊。如果一個青少年配唔到一副舒適又美觀既眼鏡，你估佢會唔會成日戴住吖拿？就係咁，我於是就過住「要睇野先戴」既生涯啦。
一路忍受呢副一戴就俾人笑既眼鏡幾年，到畢業之後先自己走去配咗一副稍為好少少既。但始終都係唔習慣戴眼鏡行路，地面同樓梯都好似彎晒咁，好冇安全感，又會暈陀陀。如是者，都配過好幾副眼鏡，可惜冇副舒服。
出黎做野之後，有一晚，公司d呀哥呀姐話拉大隊去配隱形眼鏡咯！於是，我就跟埋佢地一齊去配咗一副啦。第一次戴隱形眼鏡既感覺好奇妙，我真係果一刻先知一切事物既真正樣子，連自己面上的暗瘡都睇得一清二楚。自此以後，我唔再戴眼鏡，亦一路使用隱形眼鏡。
早幾年，自認視力冇得頂既爸爸開始成日話睇野唔清楚，要配老花鏡。我就繼續做我既迷你野，後來我都有試下拎佢副眼鏡黎戴下，發現一個現象：戴咗老花鏡，物件睇落去會比正常視力既人所睇到既大咗；戴咗近視鏡呢，d野就會細粒咗。所以如果一個戴住近視鏡既人話：「嘩！你d野好細呀！」我會有所保留。但如果上述既說話出自一個戴住老花鏡既人口中呢，呢句就係真正既讚賞啦。我親身體驗過架!
因為唔覺得有需要用眼鏡，所以屋企果副士啤鏡都只係一年用得幾次，每次都係因為自己唔記得係浸con果陣放中和葯又或者俾屋企果兩位「唔小心」隊冧咗個眼鏡盒，搞到副con根本成晚冇浸過，唔戴得，間中有一次半次真係只眼發炎，咁就唯有戴副嚇瓜人金絲鏡返工頂住。呢副鏡犀利咯，戴咗就殺氣大啦，冇人敢駁嘴！
雖然，我最近好好彩，都配咗一副既舒適、又唔核突既近視鏡。視光師話：「你仲未駛配老花住，出年啦，或者出年你會再黎搵我既。」我都明白，唔駛用隱形眼鏡會慳返好多買洗眼鏡同保養既錢，而且戴眼鏡都幾方便，隨手一放就可以上床訓覺，但始終都係覺得戴隱形眼鏡舒服好多。
有時，我做完d迷你野，都想睇真d放大咗之後有冇瑕疵架麻，以前就用放大鏡左照右照又或者用相機拍低再zoom大佢黎睇既，後來見爸爸副老花鏡咁方便（佢又係要睇細字先戴既），咪拎黎用下咯。點知就俾佢寸我啦：「自己有老花又唔配眼鏡，好心你就自己配返副啦，成日拎咗我副眼鏡！」
今日，早上氣溫十度。
下午，較和暖但仍有寒風。經過置地廣場後，皇后大道中的交通燈附近(即馬莎對面)，看到了不該看的。
往日，但見「春麗」（一個用超多膠袋為自己set一個電玩「春麗」頭的女乞丐）長駐此段行人道。今天，郤在人潮中發現竟然有人與她爭地盤，在她兩、三尺外另起爐灶。好奇一望，見到一個嚴重燒傷者，有點不忍，連忘別過頭去。
可是，又被我在紅綠燈的另一端，發現另一個上身赤裸的有點胖的嚴重燒傷者，在寒風中顫抖（他是否怕自己討得比另一位少而主動脫去上衣呢？）。明顯地，兩位的傷痕已有好幾年歷史，因為疤痕增生的情況十分穩定，皮膚表面亦比較平滑。
第一個想法：他們肯定不是香港人，定是趁新春前來找快錢。若是香港人又沒有工作能力的話，早就應該有社會福利處照應，總不會要在如斯氣溫下暴露捱凍。
第二個想法：他們是否被集團招攬及操控，被迫行乞？若沒討到錢，會怎樣？日後生活又是怎樣的光景？若這一類人自小就要淪為乞丐，或者早已經習慣這種生活，到老的日子又怎過呢？
他們令我想起八仙嶺大火中燒傷的孩子，心裏仍隱隱有點痛。
今天下午到了於旺角花墟公園舉行的漁農美食迎春嘉年華。
雖然天氣清涼，但陽光充沛，未到場已先把項巾收起，再將外衣脫去，做足一切作戰準備。
會場內未算人擠，還可以輕輕鬆鬆地走走。當然啦，與美食節、工展會或花市相比自是沒有那麼擠擁。
這些全是新鮮蔬果，為何曝曬數天也可如斯鮮嫩呢？
那得要拜現場工作人員的悉心照顧了
現場所見，不多久就有工作人員為果菜洒水，保持濕度．
既然今年的主打是有機超甜粟，當然第一時間買一條($12)來嚐嚐，沒多久已被我與爸爸合力消滅了。跑到美食攤瞧瞧，有機食品也不少，先到翠華買了凍奶茶，這麼大的太陽下喝一口，純和香滑，再來一個奶油豬仔包，香甜味美。
今年大會設了多組農村場景給遊人拍照，又展示了各款本地有機新鮮蔬果。我當然有把握時機，先買了三盒有機蘑菰($50)，因為不想一開始就負擔太重，只著眼看零食：杏脯乾($20)、白槡棗加杞子。見到又有熱燙燙的有機粟米，又買了一條，但這邊的只賣$10。
因為想大家知道士多啤梨的比例，所以借了這小小模特兒一用
半島贊助的有機蘑菰是為弱勢社群服務的，值得支持！
接著買一小條白蘿蔔($10)、有機芫茜($5)、薑($8)、兩小盆花苗($5 x 2)、金不換($15)、驅蚊草($20)、菊花仔($20)、紫蘿蘭泥($10)、兩包普通花泥($5 x 2)；連同傻爸爸一向想買的蒸架($107)，合共消費三百六十多元。
無添加的杏脯乾，十分可口
某次有機展曾嚐過這些像蟲卵的白槡棗，清清甜甜的，只是外表有點可怖，相信會令購者郤步，現在加上杞子，賣相好多了．但我反而只想買單一的白槡棗
後面的一棵是金不換，有強烈氣味，爸爸最喜歡用來炒蛋．前方左邊的是羅漢松苗，左邊是嘉樂花．
驅蚊草是我老闆的至愛，這盆開得燦爛的菊花仔還有得多花蕾呢！
上面一包是紫蘿蘭花泥，下面兩大包是其他花泥
這個不鏽鋼蒸架是爸爸借尿遁，偷偷地先斬後奏自己買的．
我：為什麼去了這麼久？
爸：因為男廁也要排隊．
精明的我一早就瞄到他手上多了一袋物件了．
這是爸爸的偶像 － 周博士！
老實說，他今天示範的用來點胡蘿蔔／青瓜條的點點醬，實在美味啊！
老闆買咗隻會發出鼻軒聲既熊仔返黎，諗住去醫院探個孫。興高采烈咁拎黎俾我：「點解冇聲既？明明話按下只手會有聲架。係咪冇電呀？公司有冇士啤電呀？」
等我睇過！都冇啪掣，一按，嘩！咁大整估呀！一路gur gur聲唔收聲既。
我問：「喂！細路，呢d野好似唔係俾BB玩架喎！」
「算啦，都幾過癮吖，d大人開心咪得咯！你同我包起佢啦。」
咁好啦，我又出返去。
真係Sorry啦，我手頭果d花紙大張少少既，得聖誕花式咋喎，其餘既平日都俾佢玩晒啦，得返d紙頭紙尾，唔通要駁？
後尾我見只熊仔都可以屈埋既，就壓扁d黎包，張粉紅色pattern既花紙勉強可以包到既！但係份野包成咁款，咪唔係好啱送俾男仔咯？再用同款既粉藍色紙尾加返d花款上去，搞掂！睇落冇咁礙眼啦。
唔知呀仔同新抱仔拆開份禮物會點睇，但起碼個孫仔就唔識介意既!
我個鬼佬老闆第二次做爺爺啦，開心得佢吖！
星期二早上，新抱仔已經穿羊水(早咗兩個幾星期)，呀仔即刻陪佢入院。做爺爺既就繼續返工，仲懶醒咁話：「第一胎邊有咁快生得出吖，我下晝先打去check下佢生得未啦。」
三點幾，我仲俾佢同個回港度假既Summer仔一齊去飲咖啡，飲飲下又俾呀仔急call：「就黎生咯喎！你快d黎啦。」
即刻衝上公司執埋d野走人，期間遠在澳洲既嫲嫲已經收到風，發追魂call：「你有冇搞錯呀？仲未去醫院呀！」
「去緊啦，啱啱準備出門口咯。」
乜唔係呀仔先係主角咩，呢個二打六都係去掙下場既唧！點都好啦，搵個人陪下呀仔，有傾有講d時間易打發d既。
六點幾，傳短訊問佢有冇消息，仲未生得，睇怕仲要最少一粒鐘。
終於差唔多八點先出到世！
呢兩幅相就係佢出世半句鐘個樣啦，都有成3.5公斤重架。
呢對腳印, 睇怕都算係BB既第一個簽名啦卦?
其實個個BB出世都係咁上下樣架啦, 不過外藉BB既輪廓點都會好少少既.
仲諗住佢玩下手做到初一搶閘B添! 今次冇行啦!
眾人媽打話小寒要食糯米飯，等我又同大家分享下我既懶人心得啦。
話說有日放工，我突然心血來潮想試下煮糯米飯(其實我未煮過架，食就食得多)，但賓賓已經煮好晒d飯餸啦。
好似話糯米要浸一輪先煮得架喎，我冇時間，於是就用個細既蒸糕盆加滾水浸住d糯米，用另一只碗又浸蝦米，再用滾水加少少糖去浸冬菰(加咗糖會易淋d)，就走去食飯。通常急就章都係會用呢d屎橋，去加快煮食進度既。
半個鐘後，食完飯，渣乾d冬菰水，用少少糖同粟粉撈下佢。
泌返少少浸糯米既水出黎，但水位又留返至米面睇落去好似冇乜水咁（其實仲有好多水既）。放晒果d冬菰、蝦米同臘味上去，隔水蒸十五分鐘。
記住呀: 如果唔清楚自己只糯米既受水程度, 情願少放一D水, 都好過變成爛飯冇得marn呀!
夾起d冬菰同臘味出黎切粒(期間你咪由得d糯米飯繼續蒸咯)，收火，將飯上的蝦米裝起，打鬆d飯。
唔熟手就咪懶叻呀，出術用易潔鑊啦！
起鑊用少少油爆下d冬菰先，灒少少酒，放埋d蝦米同臘味入去兜下，加糯米飯去炒，如果你覺得糯米飯仲係有d硬，又可以趁呢個時候灑少少水去繼續炒下唧！最後加返d色水或隨個人喜好放少少鹽同蔥粒。
又有人話: 嘩嗄! 我手腳慢喎, 咁d臘味咪會炒到燶? 唉, 自己知自已事, 如果係咁, 就先放糯米, 後放臘味粒啦!
我做野一向快手，如果只係煮一個細糕盆咁既份量，醃冬菰、洗臘腸之類既工作頂多咪五分鐘，計埋蒸飯切材料，再炒埋都唔駛一粒鐘啦。（前期浸材料同米既時間我係食緊飯既，咁就唔好計啦。）
呢個方法有個好處，只要屋企有材料，就可以失驚無神話煮就煮，而且做出黎既效果好似真係生炒出黎咁款，色、香、味俱全架。(如果你仲學人最後食果陣放d蛋絲同花生, 咁就冇得頂啦!)
冇相睇架，事關家陣屋企好少煮肉，連臘味都唔買啦，邊有得過你食吖。
唔信？我話咗我成日呃細路架啦！
韓國女子全希原，婚後移居加拿大魁北克，將日常生活中與法藉家翁的衝突事件發表在網誌上，藉此抒解心中的壓力，最後加上插圖結集成書。
想知道全希原怎樣為了捍衛韓國料理及泡菜，不惜與廚痴公公多次爭持不下及連番激戰的精彩片段，就不要錯過此書了。
好看否？
我剛花了老半天做粉果，又送外賣到另一座大廈予戶主招待的青少年試吃，回家後又忙著預備晚餐。飯後只看到P.46，就忍不住要推介給大家了，你猜呢？
放心到圖書館預約圖書吧！
有趣的插圖，增加閱讀的樂趣。
只是二百多頁，很快可以看完啊！
中心有烹飪比賽，抽籤結果，朋友要負責做甜品水晶餅。
四出尋找食譜，做了多次實驗。試過用南瓜蓉、黃肉蕃薯、紫心蕃薯等等做餡，問題不大。又試過多款澄麵加粟粉、馬蹄粉、糯米粉等等的組合去搓皮，餅皮不是不夠粘度、就是太硬或不夠通透(連秘技最後打開鑊蓋多蒸兩分鐘都已出動)。為了健康理油，又不想在外層塗油。
網上的食譜全部參考過，希望有經驗的朋友可以多多指點，11/1已逼近眉睫了！
試製第六回，我亦有份參加(基本上我十分喜歡參與煮食活動)。因為他已對甜餡十份恐懼，而今次製作只為測試純粹用澄麵搓皮的效果，所以打算用咸的餡料來做粉果。
今早十一時多到達小倆口的家，一切材料已備妥，連碟子也已抹油。只待搓粉包餡料。
順順利利包了多隻粉果，蒸了出來試食。味道可以，皮亦不硬。我早有準備，帶了日式豆沙來試做甜味的，做了三只測試，尚可。
終於成功遊說他用豆沙作餡，我後來建議加綠茶粉去搓皮，以達皮餡合一的口味。到時另一款用蕃薯餡，就可以成為雙色水晶餅了。
朋友在聖誕期間試製的水晶餅
賣相可愛，可惜皮太硬！
今天包的粉果
蒸熟後，樣子也不錯，可惜餡料顏色太淡，顯現不出來．
蒸熟後的合照
