印仔１１８ － 玉意, 子惠

邊個話淨係小朋友先趕住要印仔開學架？

老師都要架麻，佢地都可以拎我既印仔同學生蓋手冊架麻，不知幾有型呀！

呢個係做俾姑姐既，爸爸見我係度雕，就潑冷水：姑姐又點會要ｄ咁野架，佢要黎做乜喎？

今次爸爸跌眼鏡啦，姑姐話好啱佢用，仲幾型仔添！

呢個係送俾舊同事既囡囡既

我睇住佢結婚，大肚，生BB；眨下眼唧，囡囡就兩歲啦，就快要讀書咯．

點解咁早整俾佢？事關我老花越來越嚴重，都唔知到時仲夠唔夠眼做ｄ咁野俾佢咯，咪早ｄ做咯．

見唔見個溫字呀？最上果點，我專登做到好似心心咁架！