我又種

大家仲記唔記得我整既呢盆假野呀？

導師話佢叫紫蝴蝶，其實佢算係酢醬草既一種．

一天，網友Sally給我寄來了一些種子．

我就學人種下啦！

等到地老天荒，兩星期都未見任何起色，仲以為衰咗添．到咗第三週，奇蹟出現啦！

真係冇留意到呀．．．．30/6既下午，我發現到佢！

到放完回歸假返到公司，佢只係輕輕高咗Ｄ唧．

點知．．．一過咗個週末唧，就高咗咁多啦！

我返到公司，Ｄ葉都仲未張開架．．．

點知到咗九點幾，佢已經打開咗啦！原來一冇光線，佢就會收埋既，到我地開返燈，佢又高高興興咁打開架啦．一路越長越大塊葉，而且顏色仲越來越靚添．

又過咗成個月，終於阿細出現啦！

只係幾日唧，又開始伸展啦．

擺好姿勢，等待光明既來臨．有探子回報（公司的嬸嬸），佢話自從阿細出咗黎，阿大夜晚就冇訓覺啦，早上回來開燈前，阿大都係張開既．

而阿細呢．．．著燈一輪之後，就會張開，都幾有趣架．

數日後，兩塊葉已長得差不多高

看看右面的葉子，形態多像一隻飛舞中的蝴蝶呢！

到大家一樣大時，兩塊葉都會在關燈後睡大覺．葉子是會陸續出現的，到長得夠多時，就自然會開花的了．到時再跟大家分享．