呢個印係做俾豬瑩既，以前都做過英文印俾佢，但原來用英文名，冇乜人認得佢隻鷹架．
所以呢，我就專登做多個中文印仔俾佢啦
係咪幾靚下呢？靜靜雞話你知吖，其實我起稿果陣，個珮字寫咗企人邊架．
好彩我有度好．．．夠懶呀！所以一路都未開工，後來發現咗，咪改一改咯，又大步檻過啦！
呢個印呢，係俾阿靚個孫女既．我食咗佢咁多愛心蘿蔔糕同粽子，點敢唔做呀？
不過．．．呢個蝦碌婆婆，雖然日日湊住個孫，原來佢都唔知個洳字點寫架！仲好實在咁同我講：草花頭，下面三點水，加如果個如．
我：唔係啦掛？乜有個咁字既咩？
阿靚：係哩．
我：打唔出呢個字既，字典都冇喎．唉，算啦，我專登同你度啦．．．
又走去鬼畫符一番，點知第二日，阿靚打黎：阿女話冇草花頭架喎！
爭ｄ俾你玩死呀，一落刀就冇得marn架啦麻，唔止晒心機，仲會浪費一塊擦膠添．
好彩順利整好，送埋出街．
沒有留言:
張貼留言