呢間車仔麵店，係西環架！
欖角四季豆？苦瓜煎蛋？鹽焗雞軟骨？炒蜆肉？醬爆大豆芽？係咪好特別呢？
飲品冷熱隨意，唔駛加錢，連玫瑰紅棗茶同紅豆冰都有呀！
抵得佢吖，套餐只賣$22．早餐同下午茶時段仲有其他早餐茶餐可以食，我見到竟然有蜆肉炒蛋治呀！
我呢碗既豬手同雞軟骨都好得，杯咖啡亦唔差．睇清楚ｄ湯，真係唔油既．話說老闆好有性格架，可以話去旅行休成個月息架！
晚上去碼頭食飯，食開果間摺咗，竟然變板長喎！咁唯有轉去心粥館啦．
爸爸既海南雞飯加凍紅葡萄柚汁，$42．是日油飯賣晒，轉菜飯仲健康啦！ｄ雞俾我地食咗兩舊架啦．
我同Bibi就食二人餐($99)，呢煲係魚湯三寶米線．
北菰鮑魚絲滑雞粥，叫心粥館應該主打賣粥架？但兩煲野既水準都係水平線以下，又點會生意興旺呢？
爸爸杯凍飲同我地既炸鯪魚球
我既木瓜雪耳糖水
意想不到既係佢地既芒果布甸竟然唔差喎．
員工態度真係唔差架，可惜廚房出品有問題，我地試過下午茶時段黎呢度，杯奶茶難飲到呢．．．．真係一言難盡，而果杯凍冬瓜茶簡直係糖膠開水俾你飲咁，仲加咗兩蚊俾佢，飲唔落，唯有走人．
如果老闆再唔正視呢個情況，點做得長呢？
啲車仔麵餸好特別，無係其他地方聽過噃!
回覆刪除[版主回覆06/21/2011 08:37:00]人地自己鋪, 當世藝, 所以會用心搞多d花款, 而且佢好似唔憂做, 有時預先貼張告示, 休息一個月, 到外地探親架.
你住係西環架咩........
回覆刪除[版主回覆06/21/2011 10:32:00]我呢個路盲梗係拎住枝盲公竹去西環啦!
嘩......d炸鯪魚球少得咁可憐呀..... 間車仔麵近邊頭呀, 等我探阿哥時可以試下~
回覆刪除[版主回覆06/21/2011 11:26:00]車仔麵係西環喎, 剛好巴士係佢問口停架. 你上openrice搵地址啦, 我.... 點識話你知唧.
個粥好正呀!
回覆刪除[版主回覆06/21/2011 16:52:00]其實心粥館既出品, 認真麻麻.
咦? 西環? 我老公以前住西環架, 等我問佢識吾識先? 我都好like車仔麵架
回覆刪除[版主回覆06/21/2011 16:51:00]呢間野都好多年架啦, 佢冇理由唔曉既.
哇 d車仔 麵好平! 深水埗都無咁平! 仲要d餸好特別*v*
回覆刪除[版主回覆06/22/2011 08:49:00]放假咯, 去開果頭咪走去食下咯, 食完車仔麵.... 其實我仲想繼續食下午茶餐架... 但係同唔太熟既朋友去.... 費事太樣衰啦!
我地西灣河果間心X館Ｄ食物都唔掂喇 。
回覆刪除[版主回覆06/22/2011 08:48:00]其實就算普通人都可以發覺有乜問題啦, 做老細既, 冇理由唔知架?
間唔中都會同老公搭車去食車仔麵架~!!!!! 但依家不是家家都有老公愛吃既柚皮lu, 但你去嗰間d餸有d幾special wor!!!!
回覆刪除[版主回覆06/22/2011 13:14:00]有柚皮咁正! 邊度有呀?
新浦光有間有柚皮食好好味O家
回覆刪除[版主回覆06/23/2011 08:49:00]係咩? 不過, 就算你講咗, 我都唔會去得到啦!
老公話深水埗黃金附近有一間好正架wo, 但佢冇同我去食過吖!!! 我們多數去大圍食多......但係咪咁正, 我就不知道了!!!!
回覆刪除[版主回覆06/23/2011 08:52:00]鍾意食柚皮既人有特定既標準既.
我呢.... 就食慣家姐果款魚湯熬成版, 超正!
後尾嬸嬸又俾我試佢家傳蝦子瑤柱版, 真係風味各異.
車仔麵餸真係好特別,不過真係無緣試食,太遠喇
回覆刪除[版主回覆06/23/2011 14:50:00]就係咯, 我都冇乜機會再去.
我住西環, 但唔識呢間喎! 係邊架?
回覆刪除[版主回覆06/24/2011 22:13:00]西環皇后大道西326號地下
http://www.openrice.com/restaurant/sr2.htm?shopid=6762