印仔１６１ － 用碎料做成的印章

刻咗咁耐印章，其實都收埋唔少碎料擦膠架．要掉就晒啦，拎黎擦鉛筆痕又唔用得咁多，就收起佢先啦．

養兵千日，今日的起心肝廢物利用先．

呢ｄ碎料，有ｄ得半厘米大，用得唔好晒麻，就拎黎刻野果子啦．

畫圖，刻埋，再印，大約用咗個零鐘啦．可能因為只係做實驗，而且又唔係冇陰功咁切一大忽擦膠黎用，唔會晒野，所以冇壓力．

抹好晒塊面，就試用黃色黎印下．

大至上都ｏｋ喎．

其實要就位都好方便，因為已經切成一忽忽．最衰自己大意，冇睇真果子底既分叉位仲未修好添．

唔理啦，唔想浪費，繼續印埋佢．

呢枝綠色印筆有ｄ虧，都係改用返Green Tea啦．

佢係濕咗ｄ，但都印得清清楚楚．

一路加果子，冇難度．

一大意，又出事啦．．．．

算啦，你地當睇唔到啦．

繼續印埋佢先

都幾好睇呀，好快就搞掂晒．

只要係紙袋上或者白紙上，隨意印上呢ｄ圖案，就係好好既包裝黎啦！

哎吔～～又蝦碌咗啦！

見唔見左邊既圖案少咗粒呀？

咁我實在用咗幾多碎料呢？

砌埋差唔多有一粒細既四方印台咁上下大啦．