Simpsons/My Little Pony/Scooby-Doo

係報紙上見到呢d餅餅，又諗起當年自製教材，教Bibi畫畫既情景．

放工到超市，碰巧遇上，就捧捧場，買包試下．

除咗用黎練習畫畫，訓練手眼協調外，Simpsons既卡通人物，都好適合用黎做印仔架．

老豆曲奇

一大包入面有十小包，都有十幾塊餅仔既．仲有一張磁石卡添！

我仲買埋呢款，My Little Pony．

雖然佢係香港唔係好Hit，但外國既小朋友都好鍾意佢地架．

入面ｄ曲奇係咁既．

呢張磁石卡就幾靚下．

其實仲有狗狗震果隻大狗既款架，我冇買到，我一買買兩包，已經幾冒險架啦，買晒三包，如果唔好食咪弊！

好彩，味道都唔差，用黎氹小朋友就最啱啦．

我第二日就去買埋第三款：

我冇睇過呢齣卡通，但認得呢隻狗

打開入面都有十幾塊餅仔架

呢包既贈品磁貼係咁款既

最緊要佢係冇人造色素，雖然佢係Product of China，但係澳洲公司出品，都應該OK既．

你估幾＄呢？

$10.90一大包，為起上黎$1.10一包餅仔，真係幾抵！