芒果棉花糖

我近日係超市發現咗呢隻芒果棉花糖，諗住佢只係卓頭野，照計就麻麻既唧。即管買包，拎去BB蕉，點知...................

都未有機會俾佢肉火焚身，已經俾大家瓜分咗啦。

因為有更識貨既食家係度(D小朋友呀)，俾我地發現倖存既棉花糖果陣，已經得番半包，大家一人只分到一粒。

一放入口，乖乖不得了，芒果香味十足(梗係啦，佢用芒果蓉做架嘛)，甜度不算太高，帶有半絲酸味，簡直係棉花糖中既極品呀!

應承咗婷婷，如果仲有得賣，我會再買俾佢食既。於是第二日就去掃晒貨架上既貨，返到屋企，喝住Bibi，佢都仲係要開黎食，報銷一包。寄咗一包去日本，留返一包俾朋友，仲有一包，留返一月再見大家時，分俾大家再回味一下。

芒果棉花糖

我近日係超市發現咗呢隻芒果棉花糖，諗住佢只係卓頭野，照計就麻麻既唧。即管買包，拎去BB蕉，點知...................

都未有機會俾佢肉火焚身，已經俾大家瓜分咗啦。

因為有更識貨既食家係度(D小朋友呀)，俾我地發現倖存既棉花糖果陣，已經得番半包，大家一人只分到一粒。

一放入口，乖乖不得了，芒果香味十足(梗係啦，佢用芒果蓉做架嘛)，甜度不算太高，帶有半絲酸味，簡直係棉花糖中既極品呀!

應承咗婷婷，如果仲有得賣，我會再買俾佢食既。於是第二日就去掃晒貨架上既貨，返到屋企，喝住Bibi，佢都仲係要開黎食，報銷一包。寄咗一包去日本，留返一包俾朋友，仲有一包，留返一月再見大家時，分俾大家再回味一下。

給你一個十派士

收到這些試飲庄巧克力，原打算為求方便，將所有多餘包裝拆除，只帶入面的一小包巧克力粉回家。但正想要丟棄外殼時，垃圾婆性格又發作。粉紅色的部份或許日後會用得著，可要保留?



腦筋轉一轉，不如..... 試做一個迷你版吧。

立即行動，用了封箱膠紙做膠面。



三兩下手勢就做好了，只用了些許雙面膠紙把側邊貼好。

這些是沒用的地址貼，我只用一點點就夠了。

做了一張迷你卡，放入迷你巧克力包裝內，這可是我今年送給Bibi的生日驚喜。

一大一小放在一起，很可愛呢!

連同生日利是、迷你小十派士一起放回大包裝內，不經意地叫她吃過麵包後，自己沖一杯熱可可，就有好戲看了。

這條橋應該可以逗到很多人歡喜的，歡迎大家抄橋，將快樂正能量傳開去。

今年第一個聖誕派對 + 慶比聚

為免約唔齊人，華姐一早吹雞，約大家在華府BB蕉。

我一如以往，約實有人在太和火車站會合，就座定粒八，自己會順利去到。

一個鐘以內可以到既距離，我習慣提早出門口，所以預咗一個鐘頭三個字。係車站企落冇耐已經有小巴，坐定定之後就開始玩電話。中途都係我熟口熟面既站，陸逐上滿乘客。車到總站，大家都要落車，點知當我抬頭一望，咦.......，呢度邊度黎架??!!!

唔駛問阿貴，我實係搭錯車啦。硬住頭皮問司機大佬: 我係咪搭錯車呀? 請問如果要去上水火車站應該搭咩車呀? 司機大佬一指，你去對面等17號小巴啦，係巴士站隔離架咋，對面線先係去上水既。

哦......，戰戰兢兢落咗車，到底我去咗邊呀? 經過一巴士站，寫住落馬洲! 死得! 仲有半個鐘就到預約既時間，要遲到啦! 要搭紅VAN，死啦，我身上冇散紙架，得兩個幾，雖然有得找贖，我好似得五百蚊紙咋喎。好彩最後都揾到張廿蚊紙唧，上車果陣，請司機提我到咗上水火車站提我落車。點知司機話: 總站落啦! 賣葛啦，咁落咗車又點行去火車站呢? 終於問到人，果位大叔非常醒目，講得清清楚楚，我好快搵到火車站。

枉我係上水既青少年中心教咗成個暑假，原來我除咗由火車站行去天平村既路外，另一邊既上水既路，我係完全冇行過架。

好不容易先去到太和站，只遲了一兩分鐘。買埋蛋糕，等埋阿比，就出去同華姐會合。(後來Bibi打俾我，我先醒起自己有幾蠢，做乜唔曉係落馬洲坐火車去太和? 爸爸仲衰，佢仲Whatsapp我李家仁醫生果隻歌仔黎潤我添。)

今次小青蛙話明要膠級食材，所以我地既食物如下:

大花蝦

 

Woodstock Christmas Card

接收了一疊廢雪梨紙，半透明的紙質，印上了裁衣紙樣的圖案，用來包酒就夠晒型格啦。

老翻 B Duck

B Duck? 唔好話我老土，我真係唔識佢架。我一向只叫佢做鴨仔。鴨仔咪鴨仔咯。

Woodstock III

又係由呢張填色圖上搵公仔:

今次呢隻胡士托，頂帽好有派對feel，用黎做D喜慶味既卡仔就最啱。

最愛護士

因時間關係，所以要極速搵幾本書，我就懶D，係護理、醫學書架度抽幾本借走啦。

其中一本係呢本，由一批五、六十年代，至九十年代既護理同路人同大家分享工作既點滴。

原來早期產科醫院會這樣處理尿片，玉扣紙，我小時候都已經是廁紙年代了。

 

男護士一向都是護理行業入面的小數，早年他們的收入往往比女護士高，可能是想以$吸引男士參與呢個行業吧。



每餐開300樽奶，當年產科實在旺場，難怪會有家計會的出現。

當年走廊都擺晒凡布床，如今因為政府醫院產科配套不足，歷史又重演。

 

早期修讀護理，必要入住宿舍。

 

大家定必記得沙士一疫，真要感謝這個團隊為大家竭誠服務。



這一本書，版稅收益會撥作慈善用途，不妨買返本，送俾有志投入護理行業的朋友。

Pekkle V

又係Pekkle？ 對唔住，如果大家已經睇厭既話，就真係唔好意思啦．事關呢個傻鴨既粉絲都幾多下，而產品又唔算多，所以我先整多隻黎玩下唧．

韓式石煱飯

呢日送洗衣機黎，七國咁亂，一家三口去大家樂食算啦。

小熊維尼與跳跳虎

係樓下書局買咗呢幅，都幾可愛。



油完海綿寶寶之後，我好有信心可以油得靚。

 

 

但係，唔知係咪盒野唔新鮮，有幾隻色杰撻撻既，好難油。

你地睇下，成糰野咁。

監硬掃開佢，油晒D顏色，只差框邊唧。

我好小心咁描，真係花咗唔少時間。

油好啦，幾靚呀!

睇多兩睇，硬係覺得有啲唔妥。我油果陣都覺得奇，跳跳虎下巴隔離點解有舊野架?

睇下個盒先，唔通係雙下巴?



我真係冇油錯架喎。



盡信書不如無書，我都係信自己! 我就話果一忽應該係小熊維尼隻手黎既。

睇下，咁係咪順眼好多呢?

新血

部洗衣機壞咗之後，真係好唔方便。我第一時間就去睇洗衣機，差唔多要卜鎚既時候，爸爸又扭計。佢係都要買大眼雞!

俾佢氣壞，又話要換過個大D既雪櫃，放係廳，咁就可以掉咗洗衣機隔離部雪櫃，可以多D位放大眼雞啦!

咁點解佢咁堅持要買大眼雞，而唔肯用返原先既滾筒揭蓋上置式洗衣機呢?

爸爸:大眼雞好呀..... 可以久唔久擔張DUN仔坐係機前睇佢洗衫喎。有咩衫甩色既話，都可以睇得清清楚楚.....

舊物回憶 - 聖誕節

呢堆摺紙，係Bibi細個果陣，同賓賓一齊做俾我既聖誕禮物黎。你地估唔估到中間果舊四方野，係咩黎呢?

一層層打開，都係方框型既摺紙。

一共九層，最入面既係紙碎黎。

係呀，我留到依家呀。



同場加映，我地其中一年用既聖誕卡，自從Bibi出世後，每年既聖誕卡我地都係自製既，直到佢初中為止。大大話話都整咗十幾年，年年都唔同設計架。

當時我地真係逐幅油顏色架，所以張張都有分別既。淨係畫，都畫到我傻呀!

呢盒係我用利是錢係國貨公司買既木顏色:

重點係，呢盒顏色陪我完成咗好多幅fashion sketches，我keep到依家呀!

我仲用包書膠包住佢既，你地話我幾錫住佢黎用呢。