韓式石煱飯

呢日送洗衣機黎，七國咁亂，一家三口去大家樂食算啦。



咁啱大家樂出咗呢個石鍋燒，我同Bibi都想試呢款新野，啱晒啦。.

佢地都好細心, 有晒警告字條, 叫大家唔好燙親.

爸爸生左粒痱滋，都係唔啱佢架啦。問佢食乜又話是但，都係穩陣啲，叫客原煲老火湯加西芹魚塊俾佢算啦。

我就要日式咖哩雞扒芝士石煱飯，配泡菜溫泉玉子湯窩。



Bibi就要芝士黑椒牛肉石煱飯，配清湯溫泉玉子湯窩。



兩款都有一小碟蜆肉青瓜漬物既，ｄ蜆肉好腥，唔啱食就放啱好過。




呢款飯算唔錯架啦，但千其咪落晒佢俾你果一小杯醬油呀，試過味先隨量加好ｄ。

食食下記得湯入面有隻溫泉蛋喎，撈出黎食先，好味道．

現場食既賣相同宣傳刊物上既對比，算冇太大差別架啦．

 

Bibi獨力完成任務，仲可以飲埋ｄ湯同一杯水．我就食唔晒，分咗小半俾爸爸，好彩佢同我包底咋！