老翻 B Duck

B Duck? 唔好話我老土，我真係唔識佢架。我一向只叫佢做鴨仔。鴨仔咪鴨仔咯。



後尾有人話佢好鍾意B Duck，嗄? 咩黎架? 等我上網睇下先。哦，原來係呢隻鴨仔。

咁好啦，我就整返個睇下啦。



佢原來都有男仔女仔分架，女仔有啲有長長睫毛既。我就揀咗呢隻游緊水既。



原來印係卡仔度都幾靚架。

唔知用閃光燈好定唔用好，用咗反而底色黑D。

基本上乜色都唔油，已經幾可愛。



油返木顏色既話，就仲靚D。



雖然我冇整到假睫毛俾你，你扮住女仔先啦。



木顏色始終唔夠濃，油咗上去都係淡淡地咁。

但都無損佢地既形象既。

我後尾將佢地放係大卡度，三隻鴨仔排好隊，用油彩上色，咁就好鬼靚，只此一張，唔知會俾咩人用，所以唔貼出黎啦。

都係保持神秘感好D既。