豐和日麗

呢個餐，睇落好似幾吸引咁，所以我就買咗啦。

十道菜喎，算幾多野食架。

我想訂七點半，但接電話果位小姐話果晚有人包場，叫我訂七點。

Bibi冇咁早放工出到黎喎，是但啦，兩個人，我早D到，點定餐，坐多陣佢都到啦。留意下圖一對男女，佢比我早到，我去到時佢地已經食緊野。

現場見到既菜單更詳細

冷盆我要咗麻醬油麥菜同水晶餚肉，點知食食下見到油麥菜入面夾咗隻烏蠅，你叫我點可以唔向部長反映一下呢?

換過一碟仔海蜇

富貴隻雙方，用黎夾包果片脆脆，已經淋淋地啦。

蒸元貝，冇乜鮮味，而且蒸到過晒火啦。

薺菜黃魚羮，除咗有少少魚皮之外，都唔係好覺有魚，味道亦淡。

但佢勝在夠熱

蠔皇扣鮑魚，睇下呢兩條細細既小棠菜都大過佢就知咩料啦。

黑松露蝦球拌麵

好奇想知咩叫酥豆煲? 原來係油爆蠶豆再用煲仔上既椒鹽蠶豆，咸到冇影。

小籠包算正常啦。

呢碗桂花湯丸，好正常。

最後仲有件桂花糕(其實唔係最後上既，早就食咗啦)

成晚要催促佢地上菜，我都知佢地想走高檔D既路線，菜式想逐道上。但廚房未能配合果下弊呢!

上面果對男女，桂花糕食完，左等右等，糖水都未出。食埋碗糖水啦，郤突然黎碟菜。冇錯，係之前上漏咗既。

我地果檯都唔好得幾多，上菜次序大兜亂，味道反差好大。一D好淡、一D又好咸。上菜太慢，由落單到食晒所有菜式，兩位都要超過一個鐘，其實有好多野，兩下就起到菜架啦，竟然要等咁耐，有D唔合理。咁一晚可以翻到幾轉檯呀?

會否回頭? 今次算中伏架啦。三百多元兩位用的話，在銅鑼灣區尚有很多選擇。我會情願俾多少少錢，係冇咁多限制情況下(起碼唔駛理咩日子同時段)，食過第樣咯!