青木瓜雞腳豬尾骨湯

十蚊兩個青木瓜，反正都想煲個老火湯，就買啦。

處理木瓜，可以好簡單既，為免在削皮時，木瓜流出來的黏液粘手，我就用膠袋隔著，托起木瓜才削皮。

沖洗後就可以切開了

熟透的木瓜或者大家已經很熟悉，生的木瓜入面都會有很多未成熟的白色果核。

只要用小匙刮走果核便成

之後就可以切成大塊，其實由得它一開為二，拎去煲亦得。(你地亦可以加片老薑一齊煲)

果皮，浸軟刮囊(即內層部份要刮走)

瑤柱浸軟

豬尾骨及雞腳都要飛水(先在滾水內煮一會，再沖洗)

木瓜其實應該搭花生，可惜正好家裏缺貨，就用有機雞心豆代替算了。大家喜歡的話，可加兩顆蜜棗，我今次專登唔落既。

冷水放果皮，水滾後放瑤柱、豆豆

雞腳及豬骨，大火煲五分鐘。

因為實在太多木瓜了，煲內水位太高，唯有用碗先裝起一點湯水

才放木瓜入內

大滾數分數，就可以轉小火慢熬，水位變低就再加回剛才的湯水入去繼續煲。

煲約個半至兩個鐘，期間要撇油，最後下鹽調味即可。