印仔１８６ － 藍精靈：美芝

女主角終於出啦，我今次整美芝

Sweet Sweet的感覺LI - 桃B滿月

桃子屋企既食家B係美食節開鑼先出世既，數下手指都差唔多滿月咯喎！

 

為你送上鮮忌廉蛋糕配新鮮士多啤梨，香檸糖片及蜜瓜球．

祝阿B改個好名字，快高長大，身體健康！

中秋水果靚

中秋佳節，朋友送我大梨子，爽甜多汁！

嬸嬸幫我選了一隻柚子，教我認住呢個三角嘜

想佢甜呢，要皮有ｄ黃喎．

最好柚身要扁ｄ添．

開出來汁水豐盈，味道甜美，雖然比平日漲價了，但人家都要過節麻，多付幾圓，檔住可以開開心心過節，大家都可以共渡佳節．

Dinner @ 松屋

過了ｎ日，大家仍為我慶祝，郤之不恭，開開心心赴會．

既然大家想我快樂，我亦想你們開心，所以早就預備了邪惡曲奇聊表心意．

老實說：雖然吃過無數罐這些曲奇，我從未試過掏腰包買．二少奶，沒人買給你吃？好！待我獻出我既第一次！



因為原定的料理店早已爆滿，所以改了到這一家．

魚生，水準以下，我們連這一碟都銷滅不了．

串燒，不過不失

但燒大蝦是霉的！




沙律，凍豆腐

天婦羅

壽司，手卷：不行

炒雜菜，金菰牛卷肉

羊架

人數六位，我留肚吃蛋糕，但五位佳麗郤點了這麼多雪糕

原來Dada擺烏龍，給阿比點了四球雪糕；有食力既阿比真係砌低晒佢地，歷史既見證呀！

小青蛙既士多啤梨蛋糕，賞心悅目之餘

味道亦好，成為全晚最好味既食品．

我地其實去咗邊度食？咪呢度咯，經大家一至評定：你地最好咪去！

好彩我地都唔係為食而黎既，所以都冇影響大家聚會既心情．

多謝大家送我既禮物．

生日禮物2011

我屋企就從來都唔會同我慶祝生日既，多謝大家既厚愛，今年都得到好多祝福．係呢度，我要衷心多謝咁多位有心人．

呢份係我今年收到既第一份生日禮物，踏入八月冇耐已經寄到我手．

自家種指天椒

真係正，阿靚又送我自家種指天椒。

佢事先聲明：「好辣架嗄！」

 

知道啦！我就用咗一隻大少少既指天椒黎煮豆腐炆魚，爸爸都冇咋我型，咁即係正啦。

印仔１８５ － 藍精靈

搵咗呢幅圖好耐架啦，奈何我懶吖麻，邊度有心機搞至得架，搞到人地落埋畫都唔願做．

梅子糖

買咗呢包梅子糖，$12，都幾貴，事關份量好少既．


一包得27克

日本仔係細心ｄ既，包裝袋後仲有張貼紙，等你開封後可以粘住袋口

入面都有十粒八粒梅子糖既

好唔好食呢？都唔錯架，好似食緊唔太酸既話梅肉咁，但就軟軟熟熟既．

都算係市面上最好味既梅子零食黎啦．

老火冬瓜湯

買咗一大舊冬瓜，都係清清地，用黎煲湯啦．

材料：冬瓜，排骨（豬展，瘦肉，西施骨隨你喜歡），中式火腿片，果皮一角

製法：
果皮一角，先浸軟，刮去內層既囊先用，咁就唔濕熱啦．

印仔１８４ － 妙妙貓Take 2

今日，Bibi開學啦！亦即係佢脫離我魔掌既大日子．

既然佢都讀大學咯，我都宣佈：我要升呢啦！

等我都做返個大學級既印仔先！

呢隻Cheshire Cat都夠哽咯，兩年前我整既謝師印就係咁既：

肉碎煮玉豆

又一味簡單易做既菜式，相信剛踏入主婦實習班既姪女，必然一學就會．

材料：肉碎，玉豆，蒜頭，豆豉

肉碎以豉油，糖，鹽調味，再加豆粉（粟粉）撈勻



玉豆洗淨，搣去頭尾，最好順手連中間條筋都撕走，再切斷．

蔡瀾食單六 – 東南亞篇2

 

蔡瀾食單六 – 東南亞篇2

 

蔡生既書，真係唔係講笑，我由細睇到大，可以講話：我果個年代，識得倪匡就識佢．當年ｄ人哈日，對佢所寫有關日本風情既文章都大感興趣．

 

咁佢話晒都係星加坡大既，對當地食店品評，應該有一定見地．等我撇除偏好太強既口味，話你知邊度平靚正啦！

 

星加坡

 

炒粿條（即貴刁）：

天香園（丹絨禺菜市場：01-04檔（十樓Jalan Batu）），營業時間：中午到下午兩、三點

 

炒麵，外賣用棕櫚對皮打包，汁水不漏

肥仔榮：基里瑪律１０２號

 

滷鴨

樟宜區，春興園咖啡店內有阿笑潮州滷鴨，Block 56, Upper Changi Road

 

燒乳豬、蒸鯧魚、西刀魚生

發記：廈門街76號 (Tel : 3231365)

 

雲吞麵

檔口只掛了“雲吞麵”三字（十樓Jalan Batu）

 

福建炒麵

聯記：芽籠二十九巷

老福建：321 Beach Road

 

雞飯

逸群：25 Purvis Street（俗稱海南二街）

 

買蝦米、江魚仔

大成號：321 Victoria St. #01-16

 

新加坡菜

悅來熟食：巴剎牛車水街市 Chinatown Complex Blk 335 Smith St., 02-226

 

魚圓

明發：Suntec City中的Marina Square二樓熟食中心第１５檔

 

便宜酒樓菜

自然：Blk 174, Stirling Road #01-1021

 

馬來西亞

 

叫化菜式，尤以叫化羊及叫化糯米飯最佳

叫化雞：吉隆坡萬津蛤山哪督公廟前Banting

 

東莞仔麵：9 Bukit Bintang Road, K.L.

 

肉骨茶（黃亞細大家都知，俾多個選擇你）

德地肉骨茶：巴生鎮橋底大街Jalan Basar，門牌２７號

 

天下第一福建炒麵

金蓮記：49 Jalan Petaling, K.L. 50000

 

泰國

 

正宗潮菜

源利：曼谷是槳園後洗蘭萱門牌101-25 (Tel : 66-2-250-0936)

 

正宗泰菜

Ban Chiang – 14 Srivieng Road, Silom Bangkok (Tel : 66-2-236-7045)

 

蔡瀾　－　吃

 

呢本書呢，講好多食物常識，擇一同大家分享：

 

罐頭鮑魚，點分呢？車輪鮑罐底有一行小號碼，11是一個加一塊，10是一個大頭，01就係一個過大的頭切成一半入罐。咁就梗係01既食味濃ｄ啦！號碼前有三個子母，只要留心最後一個，Z係藍色鮑魚，A是黃色鮑魚，以黃色為上品，因要潛到七十米的海底才有。

 

鮑魚以墨西哥出產最好，沒有防腐劑。記住喎，車輪牌罐上如印有澳洲地圖，就唔係墨西哥產既．而鮑中寶(California Mexico)，用咗兩款罐：紅色既屬藍色鮑，黑色是黃色鮑，但以同等價錢出售，咁你應該識揀啦。記住呀，買罐頭鮑，要睇清楚淨重至好呀。

 

酒心朱古力

同事去完德國，除咗香腸，仲有古古力添！

呢枝係干邑黎

拆開係成枝酒咁既

咬開又真係有酒倒得出既

不過，呢ｄ東東，就唔係幾啱我口味，玩下好啦．

金滿都

有個星期六放工，約咗Bibi係荃灣行街街，係南豐中心呢家越南餐廳食晏仔．

午市套餐，有碗野，同冷熱飲品，只係卅幾蚊，都算係咁咯．

我地兩個，一個要湯檬，一個撈檬，兩款都唔錯．

我地加咗$12，要咗一客迷你蔗蝦小食．呢個就認真麻麻，似套咗入條蔗度既穿窿魚人造餅．後尾到咗下午茶時段，隔離檯三個人落柯打，佢地全部小食都要，只要指明唔要蔗蝦唧．早響吖麻！

我最鍾意飲品用呢ｄ杯，夠保溫．

食完野就同Bibi狂掃零食，衫同鞋，跟住臨走仲走去Beard Papa整返件忌廉泡芙先返屋企，過了愉快既半天購物日．