印仔１８４ － 妙妙貓Take 2

今日，Bibi開學啦！亦即係佢脫離我魔掌既大日子．

既然佢都讀大學咯，我都宣佈：我要升呢啦！

等我都做返個大學級既印仔先！

呢隻Cheshire Cat都夠哽咯，兩年前我整既謝師印就係咁既：

兩年後既今日，我當然要更進一步，向難度挑戰啦！真係閉一輪關，先叫做雕好ｄoutline咋．

再花一輪功夫去清理現場，實在唔敢掉以輕心．

抹完面，試印一下．嘩，近乎完美，真係一take過呀～～

呢條係我既頭髮，證明我真係有俾心機雕既．同以前果隻相比，係咪進步好多呢？

試下用布用印台先，新開既，真係濕好多．

印出黎，ｄ線化晒，但都無阻大家欣賞佢既鼻哥窿，鬚根同指甲．

真係算滿意啦．

搵返Bibi讀小學果盒木顏色出黎，係咁意油下啦，如果有ｄ鮮色ｄ既顏色就好啦．

點呀？都有七十幾分掛？我指填色分！

係呀～我專登揀佢黎做我升級功課架，你係咪好鍾意呢？

祝你快速回復狀態，日日都可以帶住佢四維去！