Sweet Sweet的感覺LII - 送給陳小B

我又做姨婆咯，梗要整返個紀念品俾陳小B架．

我既招牌朱古力牌，都要好小心咁整出黎架．



Signature士多啤梨，只此一家．呢兩粒係我做過同類型中最大粒架啦．



呢ｄ小配件都係即時切出黎用既．

一時間都唔知做咩色好，男仔都係做蜜瓜慕司啦．

 

 

配襯蘋果及梨子糖片

見唔見到有瑕疵呀？蛋糕中間有條毛呀！雖然我仲會放其他配件上去，但點都要挑走佢既．要超小心，事關呢個時候既粘土仲係好軟，隨時會變形．

加上牌子及士多啤梨，完成咗八成啦．

用咗遮光閃燈效果，可以清楚地睇士多啤梨既點點．

等佢乾到差唔多，就上糖漿啦．

見唔見到個牌前面仲有幾粒蜜桃水晶糖呢？



時間緊逼，希望佢快ｄ乾啦．

阿B，唔知姨婆仲可以做得幾多年呢ｄ迷你手作，希望你好好保存佢，第日做個紀念啦．

 

雖然未乾得透，都要送出去架啦，唯有叫佢地攤出黎吹下先啦．

 

拎埋探B三寶，就出發啦．

 

送俾你，要乖乖，唔好扭咁多計仔喎．



P.S.　見到佢Ｄ指甲咁長，忍唔住開口問做咩唔同佢剪？原來冇人敢落手！咁就等我黎主持剪彩儀式啦！

陳小Ｂ，好榮幸，May姨婆成為你第一個美容師，不過．．．．你爸爸媽媽淨顧住影相，唔記得留返Ｄ指甲做紀念喎，就咁就用紙巾包起掉咗啦．