三對都係魷魚鞋，買大ｄ都可以，我揀咗六號，都係鬆鬆地好．
去埋toilet出黎，又見到有間運動鋪，竟然有我著開果款波鞋，白色36，正！嗄？黑色得返37？大ｄ就大ｄ啦，呢ｄ款已經好難搵架啦，買埋佢！成為$682.
好驚爸爸等得唔耐煩會遷怒於我，出返黎佢隊返袋鞋俾我拎，我咪自己拎返咯。點知去到門口，佢話：「你唔覺得好肉酸既咩？」指我拎一袋，揹一袋呀？「唔覺喎！」
爸爸：「我係話…你係女人，同個男人一齊行，拎到一抽二能，個男人就兩手fing fing，唔肉酸咩？」
呵呵，咁就唔好客氣啦！呢兩袋，醒你既！
之後去買咗三條牛仔褲俾爸爸，再買幾個梨就返屋企啦。
今回真係踏破鐵鞋無覓處，得來全不費功夫啦！
不過，我已經係一星期入面（嚴格黎講係三日內），買咗八對鞋，都係時候收手啦．
爸爸：「我係話…你係女人，同個男人一齊行，拎到一抽二能，個男人就兩手fing fing，唔肉酸咩？」
呵呵，咁就唔好客氣啦！呢兩袋，醒你既！
之後去買咗三條牛仔褲俾爸爸，再買幾個梨就返屋企啦。
今回真係踏破鐵鞋無覓處，得來全不費功夫啦！
不過，我已經係一星期入面（嚴格黎講係三日內），買咗八對鞋，都係時候收手啦．
唔知幾時可以係海翠坊撞到may姨.
回覆刪除[版主回覆09/26/2011 09:05:09]乜你又住呢頭咩? 咁你認住我個漢堡神偷八達通啦!
果然係好天買鞋, 落雨天買鞋, 心情靚買鞋o既美女啊!
回覆刪除[版主回覆09/26/2011 09:05:50]都未試過買得咁爽呀! 不過..... 美女!!?? 你講卅年前呀?
睇來妳屋企都收埋唔少鞋!!XDD
回覆刪除[SaLLy回覆09/27/2011 16:55:57]我同妳一樣以舒服為原則，都係買大一個size!!hahaha
[版主回覆09/26/2011 20:04:05]其實屋企係好多鞋既，但著黎著去又係果幾對．點解呢？真係又舒服又靚既唔多咯．所以近年買鞋，都係以舒服為原則，所以５號腳都會買６號，貪鬆ｄ呀．
[SaLLy回覆09/26/2011 15:00:42]可以稱妳做鞋后了!!haha!!我每次去街都會睇鞋仔,不過老公話如果我買的話就要諗下屋企掉邊對好,因為冇位擺XDDD
[版主回覆09/26/2011 13:20:07]我前日呢.... 都掉咗成十對鞋, 有d太舊同冇乜著或者著得唔舒服, Bibi隻腳又死咁大, 所以都要掉. 只著過一次又仲好新但唔啱腳既, 就連鞋盒於出垃圾房啦.
嘩!買咁多鞋有排著呀!
回覆刪除[版主回覆09/26/2011 13:18:24]係呀, 起碼著到出年.
買咁多鞋著唔切囉!
回覆刪除[版主回覆09/26/2011 13:18:10]Hehe... 所以咪收手咯.
我都要買平底鞋呀.
回覆刪除[版主回覆09/27/2011 08:49:33]Union好多架, 入面仲有墊既, 會舒服d.
我唔覺得肉酸呀.
回覆刪除[版主回覆09/27/2011 12:43:52]除非你抱緊虎頭啦, 如果老婆包拎好多野, 而包包你又唔幫手呢.... 實俾我地廣大市民啤c你呀!
may姨o係我心目中係一個好冷靜嘅人,但係居然o係3日買左8對鞋......
回覆刪除[版主回覆09/27/2011 22:23:42]我仍然好冷靜架.... 好冷靜咁去碌卡吖麻.... 一d都冇手震架! ^ ^
女性的強項果然發揮得淋漓盡致^0^。
回覆刪除[版主回覆09/28/2011 09:00:40]你終於都知咩係我強項啦!
自從唔使出去番工見客之後極少買鞋, 唔係唔鍾意, 係成日買左番黎覺得唔好著(貴同平都有), 結果著黎著去都係果三幾對, 所以通常著到爛或者好舊先買~~~不過我都好鍾意睇鞋, 成日去鞋舖運吉~~~
回覆刪除[版主回覆09/30/2011 11:38:58]所以呢.... 我試過著過一對鞋係舒服既, 一連買咗同款幾色幾對咯!