國畫欣賞

朋友初學國畫，俾ｄ畫作我地欣賞下。

佢話見人地畫完幅畫，會蓋個印章係上面既，咁佢又冇印章，咪用個係七仔換返黎既多啦A夢印仔doom個印頂住先咯。

嘩！簡直係映衰幅畫呀！我同大佬話：「原本幅畫好地地既，就係個印仔搞到幅畫cheap晒。」

最搞笑既係，有一幅蝴蝶加牡丹既畫，雖然朵花好似拉長咗少少，扁扁地．原本都畫得唔錯既，睇真ｄ，只蝴蝶有乜唔妥？「嘩！勁呀！呢只係便衣昆蟲黎，蝴蝶翅膀草蜢身呀！」

拍低返去俾Bibi睇：「ｅ倚！只眼咁兇猛既，螳螂黎咋卦！佢好似想襲擊朵花咁喎！」

咪咁衰啦，人地都係初學唧，我知佢有俾心機畫架，已經畫得唔差啦．

哎吔都叫九魚圖吖！

ｄ花蕊都畫得幾好呀．

起碼我就唔曉啦，俾返個叻你啦！