買橙記

樓下ThreeSixty一路賣緊澳洲橙，$11.8三只，非常甜，我成日都有幫襯。

上星期五，d同事又話去下面行下，買生果，於是又去逛下。

去到，有好多人係度揀橙，點解無啦啦咁搶手，ｄ女士對眼放得咁大既呢？

啊！原來ｄ橙比我平日買開既大好多好多！

ｄ同事梗係快快手揀幾個啦，有個唔識揀橙既，就旨意我同佢執幾只。

完成任務之後，佢地見我冇揀俾自己，有ｄ奇，我就施施然行去另一面放橙箱既位置，揀返我平日買開果種size既橙，都係賣$11.8三只。佢地問我點解？

我話：呢種我就肯定好食，你地買果種未必夠呢隻好味，既然大家價錢一樣，我都係要返細只果種穩陣ｄ。

後尾為咗有得對比一下，我都要咗一只大既。

返到公司，我地即刻開橙食。我一人分咗一瓣細橙俾佢地試下，啊！當然甜如蜜啦。又開隻大橙，雖然係厚皮ｄ（細橙既皮比較薄），但剝完出黎，個果肉要比細橙既果肉大。味道呢？當然差好遠啦！但仍然相當可口，買得過！

大家知唔知呢種有只袋鼠仔貼紙既澳洲大橙，係街市要賣幾多錢呢？

係要成七蚊隻架！所以，係咪好抵呢！

比只衫夾大家做對照，就知只橙大約有幾大隻啦（大過西柚）！其實細ｄ果隻已經算大架啦！